ਓਨਟਾਰੀਓ ਨਿਊਜ਼ ਡੈਸਕ : ਓਨਟਾਰੀਓ ਦੇ ਲੋਕ, ਜਿਨ੍ਹਾਂ ਕੋਲ ਹੈਲਥ ਕਾਰਡ (ਲਾਲ ਤੇ ਚਿੱਟੇ ਕਾਰਡ ਸਮੇਤ) ਦੀ ਮਿਆਦ ਪੁੱਗ ਚੁੱਕੀ ਹੈ, ਉਹ ਹਾਲੇ ਵੀ ਸਤੰਬਰ ਦੇ ਅੰਤ ਤੱਕ ਸੂਬੇ 'ਚ ਸਿਹਤ ਸਹੂਲਤ ਹਾਸਲ ਕਰ ਸਕਦੇ ਹਨ। ਕੋਵਿਡ-19 ਮਹਾਂਮਾਰੀ ਦੇ ਜਵਾਬ 'ਚ, ਸੂਬਾਈ ਸਰਕਾਰ ਨੇ ਹੈਲਥ ਕਾਰਡਾਂ ਨੂੰ ਰੀਨਿਊ ਕਰਵਾਉਣ ਦੀ ਲੋੜ ਨੂੰ 30 ਸਤੰਬਰ ਤੱਕ ਵਧਾ ਦਿੱਤਾ ਹੈ। ਪਿਛਲੀ ਅੰਤਮ ਤਾਰੀਖ 28 ਫਰਵਰੀ ਸੀ।

ਡਿਪਟੀ ਪ੍ਰੀਮੀਅਰ ਤੇ ਸਿਹਤ ਮੰਤਰੀ ਕ੍ਰਿਸਟੀਨ ਨੇ ਕਿਹਾ, "ਜਦੋਂ ਕਿ ਓਨਟਾਰੀਓ ਦੇ ਬਹੁਗਿਣਤੀ ਲੋਕਾਂ ਨੇ ਮਹਾਂਮਾਰੀ ਦੌਰਾਨ ਆਪਣੇ ਦਸਤਾਵੇਜ਼ਾਂ ਦਾ ਨਵੀਨੀਕਰਨ ਕਰਨਾ ਜਾਰੀ ਰੱਖਿਆ ਹੈ, ਅਸੀਂ ਇਹ ਯਕੀਨੀ ਬਣਾਉਣ ਲਈ ਵਚਨਬੱਧ ਹਾਂ ਕਿ ਸਾਰੇ ਓਨਟਾਰੀਓ ਵਾਸੀਆਂ ਨੂੰ ਲੋੜ ਪੈਣ 'ਤੇ ਲੋੜੀਂਦੀ ਦੇਖਭਾਲ ਤੱਕ ਪਹੁੰਚ ਕਰਦੇ ਹੋਏ ਨਵਿਆਉਣ ਦਾ ਮੌਕਾ ਮਿਲੇ। ਸਰਵਿਸ ਓਨਟਾਰੀਓ ਆਉਣ ਵਾਲੇ ਮਹੀਨਿਆਂ 'ਚ ਓਨਟਾਰੀਓ ਫੋਟੋ ਕਾਰਡਾਂ ਦੀ ਵਰਤੋਂ ਕਰ ਕੇ ਆਨਲਾਈਨ ਹੈਲਥ ਕਾਰਡ ਰੀਨਿਊ ਕਰਨ ਨੂੰ ਸਮਰੱਥ ਬਣਾਉਣ ਲਈ ਕੰਮ ਕਰ ਰਿਹਾ ਹੈ।

ਜਿਨ੍ਹਾਂ ਵਿਅਕਤੀਆਂ ਨੂੰ ਆਪਣੇ ਹੈਲਥ ਕਾਰਡ ਨੂੰ ਰੀਨਿਊ ਕਰਵਾਉਣ 'ਚ ਮੁਸ਼ਕਲ ਆਉਂਦੀ ਹੈ, ਉਹ ਸਰਵਿਸ ਓਨਟਾਰੀਓ ਨਾਲ 1-866-532-3161 'ਤੇ ਸੰਪਰਕ ਕਰ ਸਕਦੇ ਹਨ ਜਾਂ 1-800-387-5559 'ਤੇ ਟੋਲ ਫ੍ਰੀ ਕਰ ਸਕਦੇ ਹਨ।