ਨਿਊਜ਼ ਡੈਸਕ : ਕੋਵਿਡ ਫੈਲਣ ਕਾਰਨ ਸਾਰੀਆਂ ਵਿੱਦਿਅਕ ਸੰਸਥਾਵਾਂ ਬੰਦ ਹੋ ਗਈਆਂ ਸਨ ਅਤੇ ਬਹੁਤ ਸਾਰੀਆਂ ਪ੍ਰੀਖਿਆਵਾਂ ਰੱਦ ਕਰ ਦਿੱਤੀਆਂ ਗਈਆਂ ਸਨ। ਪਰ ਤੁਸੀਂ ਜਾਣ ਕੇ ਹੈਰਾਨ ਹੋਵੇਗੇ ਕਿ ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਨੇ ਪ੍ਰੀਖਿਆਵਾਂ ਦੀ ਫੀਸ ਵਜੋਂ 94.56 ਕਰੋੜ ਰੁਪਏ ਇਕੱਠੇ ਕੀਤੇ, ਪਰ ਪ੍ਰੀਖਿਆਵਾਂ ਹੋਈਆਂ ਹੀ ਨਹੀਂ। ਇਸ ਤੋਂ ਬਾਅਦ, ਹੁਣ ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਨਤੀਜੇ ਦੀ ਹਾਰਡ ਕਾਪੀ ਲਈ ਵਿਦਿਆਰਥੀਆਂ ਤੋਂ 800-800 ਰੁਪਏ ਦੀ ਮੰਗ ਕਰ ਰਿਹਾ ਹੈ।

2020-21 ਦੇ ਅਕਾਦਮਿਕ ਸੈਸ਼ਨ 'ਚ, ਦਸਵੀਂ ਅਤੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਪਿਛਲੇ ਮੁਲਾਂਕਣ ਦੇ ਆਧਾਰ 'ਤੇ ਤਰੱਕੀ ਦਿੱਤੀ ਗਈ ਸੀ। PSEB ਨੇ ਪ੍ਰੀਖਿਆ ਫੀਸ ਦੇ ਤੌਰ 'ਤੇ ਵਿਦਿਆਰਥੀਆਂ ਤੋਂ 1,100 ਰੁਪਏ ਇਕੱਠੇ ਕੀਤੇ ਸਨ, ਜੋ ਕਿ 10ਵੀਂ ਜਮਾਤ ਲਈ ਕੁੱਲ 38.75 ਕਰੋੜ ਰੁਪਏ ਅਤੇ 12ਵੀਂ ਜਮਾਤ ਲਈ 55.51 ਕਰੋੜ ਰੁਪਏ ਸਨ।