ਲੁਧਿਆਣਾ (ਰਾਘਵ): ਕਿੱਟੀ ਗਰੁੱਪ ਚਲਾਉਣ ਦੇ ਨਾਂ 'ਤੇ 1 ਕਰੋੜ 8 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ 'ਚ ਥਾਣਾ ਦੁੱਗਰੀ ਪੁਲਸ ਨੇ 3 ਵਿਅਕਤੀਆਂ ਖਿਲਾਫ ਧਾਰਾ 420,406,120 ਬੀ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਤੇਜਿੰਦਰ ਸਿੰਘ ਵਾਸੀ ਮਾਡਲ ਟਾਊਸ, ਪਰਮਜੀਤ ਸਿੰਘ ਵਾਸੀ ਬਸੰਤ ਐਵੀਨਿਊ ਅਤੇ ਗੁਰਵਿੰਦਰ ਸਿੰਘ ਵਾਸੀ ਸੇਵਕਪੁਰਾ ਵਜੋਂ ਹੋਈ ਹੈ। 6 ਨਵੰਬਰ 2024 ਨੂੰ ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਰਾਕੇਸ਼ ਜੈਨ ਵਾਸੀ ਮਹਾਂਵੀਰ ਐਨਕਲੇਵ, ਬੱਡੇਵਾਲ ਰੋਡ ਨੇ ਦੱਸਿਆ ਕਿ ਉਹ ਉਕਤ ਮੁਲਜ਼ਮਾਂ ਨਾਲ 2 ਕਿੱਟੀ ਗਰੁੱਪ ਚਲਾ ਰਿਹਾ ਸੀ। 12 ਮਹੀਨਿਆਂ ਦੀਆਂ ਕਿਸ਼ਤਾਂ ਪੂਰੀਆਂ ਕਰਨ 'ਤੇ ਉਸ ਤੋਂ 1 ਕਰੋੜ 8 ਲੱਖ ਰੁਪਏ ਲਏ ਜਾਣੇ ਸਨ। ਪਰ ਬਾਅਦ 'ਚ ਪੈਸੇ ਮੰਗਣ 'ਤੇ ਉਕਤ ਦੋਸ਼ੀਆਂ ਨੇ ਸੋਚੀ ਸਮਝੀ ਸਾਜ਼ਿਸ਼ ਤਹਿਤ ਠੱਗੀ ਮਾਰੀ। ਜਿਸ ਤੋਂ ਬਾਅਦ ਇਨਸਾਫ਼ ਲਈ ਪੁਲਿਸ ਨੂੰ ਲਿਖਤੀ ਸ਼ਿਕਾਇਤ ਦਿੱਤੀ ਗਈ ਹੈ।