ਜਲੰਧਰ (ਰਾਘਵ): ਬੀਤੀ ਰਾਤ ਖਿੰਗੜਾ ਗੇਟ 'ਤੇ ਹੋਏ ਬਾਦਸ਼ਾਹ ਕਤਲੇਆਮ ਦੇ ਮੁੱਖ ਦੋਸ਼ੀ ਮਨੂ ਕਪੂਰ ਨੂੰ ਕਮਿਸ਼ਨਰੇਟ ਪੁਲਸ ਨੇ ਕੁਝ ਘੰਟਿਆਂ 'ਚ ਹੀ ਗ੍ਰਿਫਤਾਰ ਕਰ ਲਿਆ ਹੈ। ਮੁਲਜ਼ਮ ਦੀ ਪਛਾਣ ਸਾਹਿਲ ਕਪੂਰ ਉਰਫ਼ ਮਨੂ ਕਪੂਰ ਪੁੱਤਰ ਰਾਕੇਸ਼ ਕਪੂਰ ਢਿੱਲੂ ਵਾਸੀ ਖਿੰਗੜਾ ਗੇਟ ਵਜੋਂ ਹੋਈ ਹੈ। ਪੁਲਸ ਕਮਿਸ਼ਨਰ ਸਵਪਨ ਸ਼ਰਮਾ ਨੇ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਗਏ ਮਨੂੰ ਕਪੂਰ ਕੋਲੋਂ ਇਕ ਦੇਸੀ ਪਿਸਤੌਲ ਅਤੇ ਦੋ ਕਾਰਤੂਸ ਬਰਾਮਦ ਕੀਤੇ ਗਏ ਹਨ। ਮਨੂ ਖ਼ਿਲਾਫ਼ ਪਹਿਲਾਂ ਹੀ ਪੰਜ ਕੇਸ ਦਰਜ ਹਨ।

ਪੁਲਿਸ ਨੇ ਬਾਦਸ਼ਾਹ ਕਤਲ ਕਾਂਡ ਵਿੱਚ ਮਨੂ ਤੋਂ ਇਲਾਵਾ ਕਿਸ਼ਨਪੁਰਾ ਦੇ ਸਾਜਨ ਸਹੋਤਾ, ਭਾਈ ਦਿੱਤ ਸਿੰਘ ਨਗਰ ਦੇ ਮਾਨਵ, ਖਿੰਗੜਾ ਗੇਟ ਦੇ ਨੰਨੂ ਕਪੂਰ, ਡਾਕਟਰ ਕੋਹਲੀ, ਚਕਸ਼ਤ ਰੰਧਾਵਾ, ਗੱਗੀ ਤੇ ਕਾਕਾ ਚਾਚਾ ਅਤੇ ਕੁਝ ਹੋਰਾਂ ਖ਼ਿਲਾਫ਼ ਵੀ ਕੇਸ ਦਰਜ ਕੀਤਾ ਹੈ। ਦੱਸ ਦੇਈਏ ਕਿ ਕਾਂਗਰਸ ਦੇ ਇੱਕ ਵੱਡੇ ਨੇਤਾ ਦੇ ਕਰੀਬੀ ਮਨੂ ਕਪੂਰ ਦੀ ਕਿਸੇ ਗੱਲ ਨੂੰ ਲੈ ਕੇ ਬਾਦਸ਼ਾਹ ਨਾਮ ਦੇ ਨੌਜਵਾਨ ਨਾਲ ਲੜਾਈ ਹੋ ਗਈ ਸੀ। ਬਾਦਸ਼ਾਹ ਆਪਣੇ ਸਾਥੀਆਂ ਸਮੇਤ ਮਨੂ ਕਪੂਰ ਦੇ ਘਰ ਗੱਲ ਕਰਨ ਲਈ ਆਇਆ। ਇਸ ਦੌਰਾਨ ਮਨੂ ਨੇ ਗੁੱਸੇ ਵਿੱਚ ਆ ਕੇ ਰਾਜਾ ਨੂੰ ਗੋਲੀ ਮਾਰ ਦਿੱਤੀ।