ਨਿਊਜ਼ ਡੈਸਕ (ਜਸਮਕਲ) : ਪੂਰਾ ਦੇਸ਼ ਅੱਜ 73ਵਾਂ ਗਣਤੰਤਰ ਦਿਵਸ ਧੂਮਧਾਮ ਨਾਲ ਮਨਾ ਰਿਹਾ ਹੈ। ਇਸ ਸਾਲ ਦਾ ਗਣਤੰਤਰ ਦਿਵਸ ਕਈ ਤਰ੍ਹਾਂ ਨਾਲ ਖਾਸ ਹੋਵੇਗਾ। ਰਾਜਧਾਨੀ ਦਿੱਲੀ ਦੇ ਰਾਜਪਥ 'ਤੇ ਦੇਸ਼ ਦੀ ਤਾਕਤ ਨੂੰ ਪੂਰੀ ਦੁਨੀਆ ਦੇਖ ਸਕੇਗੀ। ਇਸ ਪਰੇਡ 'ਚ ਬਹੁਤ ਸਾਰੀਆਂ ਚੀਜ਼ਾਂ ਹੋਣਗੀਆਂ ਜੋ ਪਹਿਲੀ ਵਾਰ ਹੋਣਗੀਆਂ। ਇਸ ਮੌਕੇ ਪਹਿਲੀ ਵਾਰ ਡਰੋਨ ਸ਼ੋਅ ਵੀ ਜਸ਼ਨਾਂ ਦਾ ਹਿੱਸਾ ਹੋਵੇਗਾ। ਆਓ ਤੁਹਾਨੂੰ ਵਿਸਥਾਰ ਨਾਲ ਦੱਸਦੇ ਹਾਂ ਕਿ ਇਸ ਸਾਲ ਦਾ ਗਣਤੰਤਰ ਦਿਵਸ ਕਿਵੇਂ ਵੱਖਰਾ ਹੋਵੇਗਾ।

ਇਸ ਵਾਰ ਪਰੇਡ 10:30 ਵਜੇ ਸ਼ੁਰੂ ਹੋਵੇਗੀ

ਇਹ ਪਹਿਲੀ ਵਾਰ ਹੋਵੇਗਾ ਕਿ ਪਰੇਡ ਅੱਧਾ ਘੰਟਾ ਦੇਰੀ ਨਾਲ ਸ਼ੁਰੂ ਹੋਵੇਗੀ। ਗਣਤੰਤਰ ਦਿਵਸ ਪਰੇਡ ਦਾ ਪ੍ਰੋਗਰਾਮ ਅੱਧਾ ਘੰਟਾ ਦੇਰੀ ਨਾਲ ਸਵੇਰੇ 10 ਦੀ ਬਜਾਏ ਸਾਢੇ 10 ਵਜੇ ਸ਼ੁਰੂ ਹੋਵੇਗਾ।

ਸਭ ਤੋਂ ਵੱਡਾ ਫਲਾਈਪਾਸਟ

ਇਸ ਵਾਰ ਦੇਸ਼ ਵਾਸੀਆਂ ਨੂੰ ਹੁਣ ਤੱਕ ਦੇ ਸਭ ਤੋਂ ਵੱਡੇ ਫਲਾਈਪਾਸਟ ਦਾ ਸ਼ਾਨਦਾਰ ਨਜ਼ਾਰਾ ਦੇਖਣ ਨੂੰ ਮਿਲੇਗਾ। ਰਾਜਪਥ 'ਤੇ ਭਾਰਤੀ ਹਵਾਈ ਸੈਨਾ ਦੇ 75 ਜਹਾਜ਼ ਅਤੇ ਹੈਲੀਕਾਪਟਰ ਇਸ 'ਚ ਸ਼ਾਮਲ ਹੋਣਗੇ। ਇਸ 'ਚ ਰਾਫੇਲ, ਸੁਖੋਈ, ਜੈਗੁਆਰ ਵਰਗੇ ਲੜਾਕੂ ਜਹਾਜ਼ ਵੀ ਸ਼ਾਮਲ ਹੋਣਗੇ।

ਡਰੋਨ ਸ਼ੋਅ ਦਾ ਆਯੋਜਨ ਕੀਤਾ ਗਿਆ

ਗਣਤੰਤਰ ਦਿਵਸ ਸਮਾਰੋਹ 'ਚ ਪਹਿਲੀ ਵਾਰ ਡਰੋਨ ਸ਼ੋਅ ਵੀ ਇਸ ਦਾ ਹਿੱਸਾ ਹੋਵੇਗਾ। 29 ਜਨਵਰੀ ਨੂੰ ਬੀਟਿੰਗ ਦਿ ਰਿਟਰੀਟ ਵਿਖੇ ਇੱਕ ਹਜ਼ਾਰ ਡਰੋਨ ਸਮਾਰੋਹ ਦਾ ਹਿੱਸਾ ਹੋਣਗੇ। ਇਹ ਡਰੋਨ ਸਵਦੇਸ਼ੀ ਤੌਰ 'ਤੇ ਤਿਆਰ ਕੀਤੇ ਗਏ ਹਨ।

6 ਮਾਰਚਿੰਗ ਦਸਤੇ ਸ਼ਾਮਲ ਹੋਣਗੇ

ਇਸ ਵਾਰ ਕੁੱਲ 6 ਮਾਰਚਿੰਗ ਦਸਤੇ ਪਰੇਡ ਵਿੱਚ ਸ਼ਾਮਲ ਹੋਣਗੇ। ਪਰੇਡ ਦੀ ਕਮਾਂਡ ਪਰੇਡ ਕਮਾਂਡਰ, ਅਤਿ ਵਿਸ਼ਿਸ਼ਟ ਸੇਵਾ ਮੈਡਲ ਐਵਾਰਡੀ ਲੈਫਟੀਨੈਂਟ ਜਨਰਲ ਵਿਜੇ ਕੁਮਾਰ ਮਿਸ਼ਰਾ ਕਰਨਗੇ। 6 ਮਾਰਚਿੰਗ ਦਸਤੇ ਵਿੱਚ ਰਾਜਪੂਤ ਰੈਜੀਮੈਂਟ, ਅਸਾਮ ਰੈਜੀਮੈਂਟ, ਜੰਮੂ ਅਤੇ ਕਸ਼ਮੀਰ ਲਾਈਟ ਰੈਜੀਮੈਂਟ, ਸਿੱਖ ਲਾਈਟ ਰੈਜੀਮੈਂਟ, ਆਰਮੀ ਆਰਡਨੈਂਸ ਕੋਰ ਅਤੇ ਪੈਰਾਸ਼ੂਟ ਰੈਜੀਮੈਂਟ ਸ਼ਾਮਲ ਹੋਣਗੇ।