ਆਰ ਐੱਸ ਪੁਰਾ (ਪਾਇਲ): ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਆਰ.ਐੱਸ. ਪੁਰਾ ਦੇ ਇੱਕ ਸਰਕਾਰੀ ਸਕੂਲ ਵਿੱਚ ਡਿਊਟੀ ਦੌਰਾਨ ਮਹਿਲਾ ਅਧਿਆਪਕਾਂ ਨੂੰ ਕਸ਼ਮੀਰੀ ਗਰਮ ਸੂਟ ਖਰੀਦਦੇ ਹੋਏ ਦਿਖਾਇਆ ਗਿਆ ਹੈ। ਦੱਸ ਦਇਏ ਕਿ ਵੀਡੀਓ ਸਥਾਨਕ ਲੋਕਾਂ ਦੁਆਰਾ ਰਿਕਾਰਡ ਕੀਤੀ ਗਈ ਅਤੇ ਕੁਝ ਘੰਟਿਆਂ ਵਿੱਚ ਫੇਸਬੁੱਕ, ਵਟਸਐਪ ਅਤੇ ਇੰਸਟਾਗ੍ਰਾਮ ਵਿੱਚ ਫੈਲ ਗਈ।

ਵੀਡੀਓ ਵਿੱਚ ਕੱਪੜਿਆਂ ਦੇ ਪੈਕੇਟ ਕਲਾਸ ਰੂਮ ਵਰਗੇ ਖੇਤਰ ਵਿੱਚ ਰੱਖੇ ਹੋਏ ਦਿਖਾਈ ਦੇ ਰਹੇ ਹਨ, ਜਦੋਂ ਕਿ ਇੱਕ ਅਧਿਆਪਕ ਅਤੇ ਕੁਝ ਹੋਰ ਔਰਤਾਂ ਸੂਟ ਦੀ ਚੋਣ ਕਰਦੀਆਂ ਨਜ਼ਰ ਆ ਰਹੀਆਂ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਘਟਨਾ ਸਕੂਲ ਸਮੇਂ ਦੌਰਾਨ ਵਾਪਰੀ।