ਨਿਊਯਾਰਕ (ਰਾਘਵ) : ਪਾਕਿਸਤਾਨ ਅਤੇ ਅਮਰੀਕਾ ਵਿਚਾਲੇ ਖੇਡਿਆ ਗਿਆ T20 WC (ਟੀ20 ਵਿਸ਼ਵ ਕੱਪ) ਦਾ ਮੈਚ ਦੋਵੇਂ ਪਾਰੀਆਂ ਦੇ ਅੰਤ ਤੱਕ ਬਰਾਬਰੀ 'ਤੇ ਰਿਹਾ। ਪਰ ਅਮਰੀਕਾ ਨੇ ਪਾਕਿਸਤਾਨ ਨੂੰ ਸੁਪਰ ਓਵਰ ਵਿੱਚ ਹਰਾ ਕੇ ਇਤਿਹਾਸ ਰਚ ਦਿੱਤਾ। ਤੁਹਾਨੂੰ ਦੱਸ ਦੇਈਏ ਕਿ ਜਿਥੇ T20 WC 'ਚ ਪਾਕਿਸਤਾਨ ਦਾ ਇਹ ਪਹਿਲਾ ਮੈਚ ਸੀ, ਓਥੇ ਹੀ ਅਮਰੀਕਾ ਦਾ ਦੁੱਜਾ। ਅਮਰੀਕਾ ਨੇ ਪਹਿਲੇ ਮੈਚ ਵਿਚ ਆਪਣੇ ਗਵਾਂਢੀ ਮੁਲਕ ਕੈਨੇਡਾ ਨੂੰ 7 ਵਿਕਟਾਂ ਨਾਲ ਹਰ ਦਿੱਤਾ ਸੀ।

ਇਸ ਤੋਂ ਪਹਿਲਾਂ ਅਮਰੀਕਾ ਲਈ ਕਪਤਾਨ ਮੋਨੰਕ ਪਟੇਲ ਨੇ 50 ਦੌੜਾਂ ਅਤੇ ਆਰੋਨ ਜੋਨਸ ਨੇ 35 ਦੌੜਾਂ ਬਣਾਈਆਂ। ਐਂਡਰੀਜ਼ ਗੌਸ ਨੇ ਵੀ ਧਮਾਕੇਦਾਰ ਤਰੀਕੇ ਨਾਲ 26 ਗੇਂਦਾਂ ਵਿੱਚ 35 ਦੌੜਾਂ ਬਣਾਈਆਂ। ਪਹਿਲਾਂ ਖੇਡਦਿਆਂ ਪਾਕਿਸਤਾਨ ਨੇ 20 ਓਵਰਾਂ ਵਿੱਚ 159 ਦੌੜਾਂ ਬਣਾਈਆਂ ਸਨ। ਉਥੇ ਹੀ ਪਾਕਿਸਤਾਨ ਟੀਮ ਦੇ ਕਪਤਾਨ ਬਾਬਰ ਆਜ਼ਮ ਨੇ 44 ਦੌੜਾਂ ਅਤੇ ਸ਼ਾਦਾਬ ਖਾਨ ਨੇ 40 ਦੌੜਾਂ ਦੀ ਅਹਿਮ ਪਾਰੀ ਖੇਡੀ। ਇਸ ਦੌਰਾਨ ਅਮਰੀਕਾ ਲਈ ਨੌਸ਼ਤੁਸ਼ ਕੇਨਜਿਗੇ ਨੇ 3 ਵਿਕਟਾਂ ਲੈ ਕੇ ਪ੍ਰਭਾਵਿਤ ਕੀਤਾ। ਜਦੋਂ ਮੇਜ਼ਬਾਨ ਅਮਰੀਕਾ ਟੀਚੇ ਦਾ ਪਿੱਛਾ ਕਰਨ ਉਤਰਿਆ ਤਾਂ ਕਪਤਾਨ ਮੋਨੰਕ ਪਟੇਲ ਨੇ ਸਭ ਤੋਂ ਵੱਧ ਪ੍ਰਭਾਵਿਤ ਕੀਤਾ। ਅੰਤ 'ਚ ਅਮਰੀਕਾ ਦੀ ਪਾਰੀ ਵੀ 159 ਦੌੜਾਂ 'ਤੇ ਸਮਾਪਤ ਹੋ ਗਈ।

ਜਿਸ ਕਾਰਨ ਮੈਚ ਟਾਈ ਹੋ ਗਿਆ ਅਤੇ ਸੁਪਰ ਓਵਰ ਵਿੱਚ ਖਤਮ ਹੋਇਆ। ਸੁਪਰ ਓਵਰ ਦੌਰਾਨ ਅਮਰੀਕਾ ਨੇ ਪਹਿਲਾਂ ਖੇਡਦੇ ਹੋਏ 17 ਦੌੜਾਂ ਬਣਾਈਆਂ। ਜਦਕਿ 18 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਪਾਕਿਸਤਾਨੀ ਟੀਮ 13 ਦੌੜਾਂ ਹੀ ਬਣਾ ਸਕੀ ਅਤੇ 5 ਦੌੜਾਂ ਨਾਲ ਮੈਚ ਹਾਰ ਗਈ।

ਸੁਪਰ ਓਵਰ ਦਾ ਲੇਖਾ ਜੋਖਾ

ਅਮਰੀਕਾ ਦੀ ਪਾਰੀ… ਅਮਰੀਕਾ ਨੇ ਸੁਪਰ ਓਵਰ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕੀਤੀ। ਮੁਹੰਮਦ ਆਮਿਰ ਦੀ ਪਹਿਲੀ ਹੀ ਗੇਂਦ 'ਤੇ ਆਰੋਨ ਜੋਨਸ ਨੇ ਚੌਕਾ ਜੜਿਆ, ਦੂਜੀ ਗੇਂਦ 'ਤੇ 2 ਦੌੜਾਂ ਅਤੇ ਤੀਜੀ ਗੇਂਦ 'ਤੇ ਜੋਨਸ ਨੇ ਇਕ ਦੌੜ ਲਈ। ਆਮਿਰ ਨੂੰ ਚੌਥੀ ਗੇਂਦ ਫਿਰ ਕਰਨੀ ਪਈ ਕਿਉਂਕਿ ਵਾਈਡ ਦੇ ਨਾਲ-ਨਾਲ ਹਰਮੀਤ ਸਿੰਘ ਨੇ ਵੀ ਇਕ ਦੌੜ ਲਈ। ਜੋਨਸ ਨੇ ਇਕ ਵਾਰ ਫਿਰ ਚੌਥੀ ਗੇਂਦ 'ਤੇ ਸਿੰਗਲ ਲਿਆ। ਆਮਿਰ ਆਪਣੀ ਲੈਅ ਗੁਆ ਰਹੇ ਸਨ, ਇਸ ਲਈ ਉਨ੍ਹਾਂ ਨੇ ਇਕ ਹੋਰ ਵਾਈਡ ਦਿੱਤਾ ਅਤੇ ਇਸ ਵਾਰ ਵੀ ਦੋਵਾਂ ਨੇ ਵਾਧੂ ਦੌੜਾਂ ਲਈਆਂ। 5ਵੀਂ ਗੇਂਦ 'ਤੇ ਡਬਲ ਰਨ, ਪਰ ਛੇਵੀਂ ਗੇਂਦ ਤੋਂ ਪਹਿਲਾਂ ਆਮਿਰ ਨੇ ਫਿਰ ਵਾਈਡ ਦਿੱਤਾ, ਜਿਸ 'ਤੇ ਅਮਰੀਕਾ ਦੇ ਬੱਲੇਬਾਜ਼ਾਂ ਨੇ 2 ਦੌੜਾਂ ਬਣਾਈਆਂ। ਆਖਰੀ ਗੇਂਦ 'ਤੇ ਇਕ ਦੌੜ ਨਾਲ ਯੂਐਸਏ ਕੈਂਪ ਨੇ 18 ਦੌੜਾਂ ਬਣਾਈਆਂ।

ਪਾਕਿਸਤਾਨੀ ਪਾਰੀ… ਨੇਤਰਵਾਲਕਰ ਨੇ ਪਹਿਲੀ ਗੇਂਦ 'ਤੇ ਡਾਟ ਕੀਤਾ, ਪਰ ਇਫਤਿਖਾਰ ਅਹਿਮਦ ਨੇ ਦੂਜੀ ਗੇਂਦ 'ਤੇ ਚੌਕਾ ਜੜ ਦਿੱਤਾ। ਅਗਲੀ ਗੇਂਦ ਵਾਈਡ ਸੀ ਪਰ ਤੀਜੀ ਗੇਂਦ 'ਤੇ ਇਫਤਿਖਾਰ ਕੈਚ ਆਊਟ ਹੋ ਗਏ। ਨੇਤਰਾਵਲਾਕਰ ਵਾਈਡ ਗਿਆ, ਪਰ ਅਗਲੀ ਗੇਂਦ 'ਤੇ ਉਸ ਨੂੰ ਲੈੱਗ ਬਾਈ ਚਾਰ ਮਿਲ ਗਿਆ। 5ਵੀਂ ਗੇਂਦ 'ਤੇ 2 ਦੌੜਾਂ ਆਈਆਂ। ਆਖਰੀ ਗੇਂਦ 'ਤੇ ਇਕ ਦੌੜ ਆਇਆ, ਜਿਸ ਕਾਰਨ ਅਮਰੀਕਾ ਨੇ ਮੈਚ ਜਿੱਤ ਲਿਆ।