ਬਮਾਕੋ (Vikram Sehajpal) : ਸਰਕਾਰ ਨੇ ਸ਼ਨੀਵਾਰ ਨੂੰ ਜਾਣਕਾਰੀ ਦਿੱਤੀ ਕਿ ਮਾਲੀ ਵਿੱਚ ਇੱਕ ਫੌਜੀ ਚੌਕੀ 'ਤੇ ਹੋਏ ਅੱਤਵਾਦੀ ਹਮਲੇ ਵਿੱਚ ਲਗਭਗ 53 ਸੈਨਿਕ ਮਾਰੇ ਗਏ ਹਨ। ਨਿਉਜ਼ ਏਜੰਸੀ ਏਫੇ ਦੇ ਮੁਤਾਬਕ, ਪੱਛਮੀ ਅਫਰੀਕਾ ਦੇ ਦੇਸ਼ ਵਿੱਚ ਇਹ ਹਮਲਾ ਸ਼ੁੱਕਰਵਾਰ ਸ਼ਾਮ ਨੂੰ ਉਸ ਸਮੇਂ ਹੋਇਆ ਜਦੋਂ ਅੱਤਵਾਦੀਆਂ ਨੇ ਮੇਨਾਕਾ ਖੇਤਰ ਵਿੱਚ ਇੰਡੇਲੀਮਨੇ ਵਿਖੇ ਡੇਰੇ ਉੱਤੇ ਹਮਲਾ ਕੀਤਾ। ਦੇਸ਼ ਦੇ ਸੰਚਾਰ ਮੰਤਰੀ ਯਾਯਾ ਸੰਗਰੇ ਨੇ ਟਵਿੱਟਰ 'ਤੇ ਕਿਹਾ ਕਿ ਖੇਤਰ ਨੂੰ ਭੇਜੀ ਗਈ ਫੌਜੀ ਫੋਰਸ ਨੇ ਇਕ ਨਾਗਰਿਕ ਸਮੇਤ 54 ਲਾਸ਼ਾਂ ਬਰਾਮਦ ਕੀਤੀਆਂ ਹਨ, ਜਿਨ੍ਹਾਂ ਵਿੱਚ 10 ਜ਼ਿੰਜਾ ਹਨ। 

ਇਸ ਦੇ ਨਾਲ ਹੀ, ਜਾਇਦਾਦ ਨੂੰ ਵੀ ਕਾਫ਼ੀ ਨੁਕਸਾਨ ਹੋਇਆ ਹੈ।ਮੰਤਰੀ ਨੇ ਕਿਹਾ, "ਸਥਿਤੀ ਕੰਟਰੋਲ ਵਿੱਚ ਹੈ।" ਉਨ੍ਹਾਂ ਕਿਹਾ ਕਿ ਲਾਸ਼ਾਂ ਦੀ ਪਛਾਣ ਕੀਤੀ ਜਾ ਰਹੀ ਹੈ। ਮਿਲਟਰੀ ਸੂਤਰਾਂ ਨੇ ਇਸ ਤੋਂ ਪਹਿਲਾਂ ਏਫ ਨਿਉਜ਼ ਨੂੰ ਦੱਸਿਆ ਕਿ ਮੌਤਾਂ ਤੋਂ ਇਲਾਵਾ ਬਹੁਤ ਸਾਰੇ ਲੋਕ ਜ਼ਖਮੀ ਵੀ ਹੋਏ ਹਨ ਅਤੇ ਵੱਡੀ ਮਾਤਰਾ ਵਿੱਚ ਜਾਇਦਾਦ ਨੂੰ ਨੁਕਸਾਨ ਪਹੁੰਚਿਆ ਹੈ।

ਹਮਲੇ ਦੀ ਜੋ ਜਾਣਕਾਰੀ ਮਿਲੀ ਹੈ ਉਸ ਮੁਤਾਬਕ, ਭਾਰੀ ਹਥਿਆਰਬੰਦ ਬੰਦੂਕਧਾਰੀ ਮੋਟਰਸਾਈਕਲਾਂ ਅਤੇ ਵਾਹਨਾਂ ਰਾਹੀਂ ਪਹੁੰਚੇ ਅਤੇ ਤਿੰਨ ਸਮੂਹਾਂ ਵਿੱਚ ਵੰਡ ਕੇ ਤਿੰਨ ਵੱਖ-ਵੱਖ ਸਟਾਪਾਂ ਤੇ ਮਿਲ ਕੇ ਹਮਲਾ ਸ਼ੁਰੂ ਕੀਤਾ। ਹਮਲੇ ਦੀ ਤੀਬਰਤਾ ਇੰਨੀ ਜ਼ਿਆਦਾ ਸੀ ਕਿ ਸੈਨਿਕਾਂ ਨੂੰ ਚੌਂਕੀ ਖਾਲੀ ਕਰਨ ਲਈ ਮਜਬੂਰ ਹੋਣਾ ਪਿਆ ਮਾਲੀਅਨ ਆਰਮਡ ਫੋਰਸਿਜ਼ (ਐਫ.ਐਮ.ਏ.) ਨੂੰ ਖੇਤਰ ਦੀ ਸਥਿਤੀ ਨੂੰ ਕਾਬੂ ਕਰਨ ਵਿੱਚ ਕਈ ਘੰਟੇ ਲੱਗ ਗਏ।