ਨਿਊਯਾਰਕ , 25 ਸਤੰਬਰ ( NRI MEDIA )

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਨਾਲ ਪੀਐਮ ਮੋਦੀ ਦੀ ਕੈਮਿਸਟਰੀ ਇਨ੍ਹੀਂ ਦਿਨੀਂ ਕਾਫੀ ਦਿਖਾਈ ਦੇ ਰਹੀ ਹੈ , ਰਾਸ਼ਟਰਪਤੀ ਟਰੰਪ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ " ਫਾਦਰ ਆਫ ਇੰਡੀਆ " ਦੱਸਿਆ ਹੈ , ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਦੀ ਤੁਲਨਾ ਯੂਐਸ ਰਾਕਸਟਾਰ ਐਲਵਿਸ ਪ੍ਰੈਸਲੀ ਨਾਲ ਵੀ ਕੀਤੀ , ਮੌਕਾ ਦੋਵੇਂ ਦੇਸ਼ਾਂ ਦੀ ਦੁਵੱਲੀ ਗੱਲਬਾਤ ਤੋਂ ਬਾਅਦ ਪ੍ਰੈਸ ਕਾਨਫਰੰਸ ਦਾ ਸੀ , ਜ਼ਿਕਰਯੋਗ ਹੈ ਕਿ ਟਰੰਪ ਨੇ ਇਸ ਤੋਂ ਠੀਕ ਪਹਿਲਾਂ ਹਿਉਸਟਨ ਵਿੱਚ ਹਾਉਦੀ ਮੋਦੀ’ ਰੈਲੀ ਦੌਰਾਨ ਮੋਦੀ ਦੀ ਪ੍ਰਸ਼ੰਸਾ ਕੀਤੀ ਸੀ , ਹੁਣ ਪ੍ਰੈਸ ਕਾਨਫਰੰਸ ਵਿਚ ਵੀ ਟਰੰਪ ਨੇ ਪਾਕਿਸਤਾਨ ਦਾ ਨਾਮ ਲਏ ਬਿਨਾਂ ਅੱਤਵਾਦ ਦੇ ਸਵਾਲ ਦਾ ਜਵਾਬ ਦਿੰਦਿਆਂ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਇਸ ਨੂੰ ਵੇਖਣਗੇ।

ਡੋਨਾਲਡ ਟਰੰਪ ਨੇ ਪੱਤਰਕਾਰਾਂ ਨੂੰ ਕਿਹਾ, “ਮੈਨੂੰ ਉਹ ਭਾਰਤ ਯਾਦ ਹੈ ਜੋ ਬਹੁਤ ਵੰਡਿਆ ਹੋਇਆ ਸੀ , ਬਹੁਤ ਸਾਰੇ ਮਤਭੇਦ ਸਨ, ਲੜਾਈ ਚਲ ਰਹੀ ਸੀ, ਪਰ ਉਹ (ਪ੍ਰਧਾਨ ਮੰਤਰੀ ਮੋਦੀ) ਸਾਰਿਆਂ ਨੂੰ ਨਾਲ ਲੈ ਕੇ ਆਏ ਹਨ ਜਿਵੇਂ ਇਕ ਪਿਤਾ ਸਾਰਿਆਂ ਨੂੰ ਲਿਆਉਂਦਾ ਹੈ ,  ਸ਼ਾਇਦ ਉਹ " ਫਾਦਰ ਆਫ ਇੰਡੀਆ " ਹਨ , ਅਸੀਂ ਉਨ੍ਹਾਂ ਨੂੰ ਭਾਰਤ ਦਾ ਪਿਤਾ ਕਹਾਂਗੇ।

ਉਸੇ ਸਮੇਂ, ਜਦੋਂ ਟਰੰਪ ਨੂੰ ਹਿਉਸਟਨ ਸਮਾਗਮ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ, ਜੋ ਮੇਰੇ ਸੱਜੇ ਪਾਸੇ ਬੈਠੇ ਹਨ, ਉਨ੍ਹਾਂ ਨੂੰ ਲੋਕ ਬਹੁਤ ਪਸੰਦ ਕਰਦੇ ਹਨ , ਲੋਕ ਪਾਗਲ ਹੋ ਜਾਂਦੇ ਹਨ, ਉਹ ਐਲਵਿਸ ਦਾ ਭਾਰਤੀ ਸੰਸਕਰਣ ਹਨ , ਐਲਵਿਸ ਪ੍ਰੈਸਲੀ ਇਕ ਅਮਰੀਕੀ ਗਾਇਕ ਅਤੇ ਅਦਾਕਾਰ ਸਨ , ਉਨ੍ਹਾਂ ਨੂੰ 'ਕਿੰਗ ਆਫ਼ ਰਾਕ ਐਂਡ ਰੋਲ' ਕਿਹਾ ਜਾਂਦਾ ਸੀ |

ਹੋਰ ਖ਼ਬਰਾਂ ਲਈ ਜੁੜੇ ਰਹੋ United NRI Post ਦੇ ਨਾਲ।