ਵਾਸ਼ਿੰਗਟਨ (ਆਈ.ਆਰ.ਆਈ. ਮੀਡਿਆ) : ਬੇਟੇ ਦਿਨ ਮੰਗਲਵਾਰ ਨੂੰ ਬੇਰੂਤ ਸ਼ਹਿਰ ਇੱਕ ਵਿਸ਼ਾਲ ਬੰਬ ਧਮਾਕੇ ਨਾਲ ਕੰਬ ਗਿਆ ਸੀ, ਜਿਸ ਵਿੱਚ ਘੱਟੋ ਘੱਟ 135 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਅਤੇ 5000 ਲੋਕ ਜ਼ਖਮੀ ਹੋਏ ਸਨ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਸ਼ਹਿਰ ਦੇ ਕਈ ਹਿੱਸੇ ਹਿੱਲ ਗਏ। ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਧਮਾਕੇ ਕਾਰਨ ਘਰਾਂ ਦੀਆਂ ਖਿੜਕੀਆਂ ਦੇ ਸ਼ੀਸ਼ੇ ਵੀ ਟੁੱਟ ਗਏ। 

ਨਿਊਜ਼ ਏਜੰਸੀ ਏਐਫਪੀ ਦੇ ਅਨੁਸਾਰ ਲੇਬਨਾਨ ਦੇ ਪ੍ਰਧਾਨ ਮੰਤਰੀ ਹਸਨ ਦਿਆਬ ਨੇ ਕਿਹਾ ਹੈ ਕਿ ਬੰਦਰਗਾਹ ਵਿੱਚ 2750 ਟਨ ਅਮੋਨੀਅਮ ਨਾਈਟ੍ਰੇਟ ਫਟਿਆ ਹੈ। ਓਥੇ ਹੀ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਅਮਰੀਕੀ ਫੌਜੀ ਜਰਨੈਲਾਂ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਬੇਰੂਤ ਵਿੱਚ ਧਮਾਕਾ ਨਹੀਂ, ਬਲਕਿ ਇੱਕ ਹਮਲਾ ਸੀ। ਮੈਂ ਆਪਣੇ ਕੁਝ ਜਰਨੈਲਾਂ ਨਾਲ ਮੁਲਾਕਾਤ ਕੀਤੀ ਹੈ ਅਤੇ ਉਹ ਸਿਰਫ ਮਹਿਸੂਸ ਕਰਦੇ ਹਨ ਕਿ ਇਹ ਕਿਸੇ ਕਿਸਮ ਦਾ ਵਿਸਫੋਟ ਨਹੀਂ ਸੀ। ਉਹ ਸੋਚਦੇ ਹਨ ਕਿ ਇਹ ਹਮਲਾ ਸੀ। ਇਹ ਕਿਸੇ ਕਿਸਮ ਦਾ ਬੰਬ ਸੀ।