ਹਰਿਦੁਆਰ (ਕਿਰਨ) : ਰੋਸ਼ਨਾਬਾਦ ਸਥਿਤ ਜ਼ਿਲਾ ਜੇਲ 'ਚ ਰਾਮਲੀਲਾ ਦੇ ਮੰਚਨ ਦੌਰਾਨ ਦੋ ਕੈਦੀ ਕੰਧ ਟੱਪ ਕੇ ਫਰਾਰ ਹੋ ਗਏ। ਫਰਾਰ ਹੋਏ ਕੈਦੀਆਂ ਵਿੱਚੋਂ ਇੱਕ ਕਤਲ ਕੇਸ ਵਿੱਚ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਸੀ। ਜਦਕਿ ਦੂਜਾ ਅਗਵਾ ਦੇ ਇੱਕ ਕੇਸ ਵਿੱਚ ਸੁਣਵਾਈ ਅਧੀਨ ਕੈਦੀ ਹੈ। ਜੇਲ੍ਹ ਵਿੱਚੋਂ ਦੋ ਕੈਦੀਆਂ ਦੇ ਫਰਾਰ ਹੋਣ ਕਾਰਨ ਪ੍ਰਸ਼ਾਸਨ ਵਿੱਚ ਹੜਕੰਪ ਮਚ ਗਿਆ ਹੈ। ਪੁਲੀਸ ਨੇ ਪੂਰੇ ਜ਼ਿਲ੍ਹੇ ਵਿੱਚ ਨਾਕਾਬੰਦੀ ਕਰਕੇ ਕੈਦੀਆਂ ਦੀ ਭਾਲ ਕੀਤੀ।

ਜ਼ਿਲ੍ਹਾ ਮੈਜਿਸਟਰੇਟ ਕਰਮਿੰਦਰ ਸਿੰਘ ਅਤੇ ਐਸਐਸਪੀ ਪ੍ਰਮਿੰਦਰ ਸਿੰਘ ਡੋਬਲ ਆਪਣੇ ਅਧੀਨ ਅਧਿਕਾਰੀਆਂ ਸਮੇਤ ਜ਼ਿਲ੍ਹਾ ਜੇਲ੍ਹ ਵਿੱਚ ਪੁੱਜੇ ਅਤੇ ਜਾਣਕਾਰੀ ਲਈ। ਫੋਰੈਂਸਿਕ ਟੀਮ ਅਤੇ ਡੌਗ ਸਕੁਐਡ ਨੂੰ ਬੁਲਾ ਕੇ ਸੁਰਾਗ ਇਕੱਠੇ ਕੀਤੇ ਗਏ। ਫਰਾਰ ਕੈਦੀ ਪੰਕਜ ਅਤੇ ਰਾਮਕੁਮਾਰ ਦੇ ਖਿਲਾਫ ਸਿਦਕੁਲ ਥਾਣੇ 'ਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।