ਨਿਊਯਾਰਕ , 25 ਅਪ੍ਰੈਲ ( NRI MEDIA )

ਅਮਰੀਕਾ ਵਿੱਚ ਹੁਣ ਇਕ ਨਵੀਂ ਬਿਮਾਰੀ ਨੇ ਮਹਾਂਮਾਰੀ ਦਾ ਰੂਪ ਲੈ ਲਿਆ ਹੈ , ਸਾਲ 2019 ਵਿਚ ਅਮਰੀਕਾ ਵਿਚ ਖਸਰੇ ਦੇ 695 ਮਾਮਲੇ ਸਾਹਮਣੇ ਆਏ ਹਨ , 2000 ਵਿਚ ਦੇਸ਼ ਨੂੰ ਖਸਰਾ ਮੁਕਤ ਐਲਾਨ ਕੀਤੇ ਜਾਣ ਤੋਂ ਬਾਅਦ ਪਹਿਲੀ ਵਾਰ ਇੰਨੇ ਸਾਰੇ ਖਸਰੇ ਦੇ ਮਾਮਲੇ ਸਾਹਮਣੇ ਆਏ ਹਨ , ਨਿਊਯਾਰਕ ਸਿਹਤ ਵਿਭਾਗ ਨੇ ਬਿਮਾਰੀ ਨੂੰ ਰੋਕਣ ਲਈ ਸਖਤੀ ਦਿਖਾਉਣੀ ਸ਼ੁਰੂ ਕਰ ਦਿੱਤੀ ਹੈ , ਨਿਊਯਾਰਕ ਸਿਟੀ ਵਿਚ ਸਿਹਤ ਐਮਰਜੈਂਸੀ ਲਾਗੂ ਕੀਤੀ ਗਈ ਹੈ |

ਰੋਗ ਨਿਯੰਤ੍ਰਣ ਅਤੇ ਰੋਕਥਾਮ ਕੇਂਦਰਾਂ ਨੇ ਬੁੱਧਵਾਰ ਨੂੰ ਇਕ ਬਿਆਨ ਵਿਚ ਕਿਹਾ ਕਿ 2019 ਦੇ ਅਜਿਹੇ ਕੇਸਾਂ ਦੀ ਗਿਣਤੀ ਲਈ ਮੁੱਖ ਕਾਰਨ 2018 ਦੇ ਅੰਤ ਵਿਚ ਵਾਸ਼ਿੰਗਟਨ ਅਤੇ ਨਿਊਯਾਰਕ ਵਿਚ ਫੈਲਣ ਵਾਲਾ ਖਸਰਾ ਹੈ , ਸੋਮਵਾਰ ਤੱਕ, ਯੂ ਐਸ ਸੈਂਟਰ ਫਾਰ ਡਿਸੀਜ਼ ਕੰਟ੍ਰੋਲ ਐਂਡ ਪ੍ਰੀਵੈਂਸ਼ਨ ਨੇ 22 ਸੂਬਿਆਂ ਵਿੱਚ ਇਸਦੀ ਪੁਸ਼ਟੀ ਹੈ , ਉਨ੍ਹਾਂ ਦਸਿਆ ਕਿ ਖਸਰੇ ਦੇ 626 ਵਿਅਕਤੀਗਤ ਕੇਸਾਂ ਦੀ ਰਿਪੋਰਟ ਕੀਤੀ ਗਈ ਹੈ |

ਇਸ ਵਿਚ ਸੂਬੇ ਦੇ ਸਿਹਤ ਵਿਭਾਗਾਂ ਦੁਆਰਾ 19 ਅਪ੍ਰੈਲ ਤਕ ਸੀਡੀਸੀ ਨੂੰ ਰਿਪੋਰਟ ਕੀਤੀ ਗਈ ਬਿਮਾਰੀਆਂ ਸ਼ਾਮਲ ਹਨ ਅਤੇ ਇਸ ਲਈ ਇਸ ਤੋਂ ਬਾਅਦ ਦੇ ਮਾਮਲਿਆਂ ਦੀ ਰਿਪੋਰਟ ਸ਼ਾਮਲ ਨਹੀਂ ਕੀਤੀ ਗਈ , ਇੱਕ ਬਿਆਨ ਵਿੱਚ ਏਜੰਸੀ ਨੇ ਕਿਹਾ ਕਿ ਬੁੱਧਵਾਰ ਸ਼ਾਮ 3 ਵਜੇ ਤੱਕ ਇਸ ਬਿਮਾਰੀ ਦੇ 695 ਮਾਮਲੇ ਗਿਣੇ ਗਏ ਸਨ |

ਕੀ ਹੈ ਖਸਰਾ ?

ਖਸਰਾ ਵਾਇਰਸ ਕਾਰਨ ਹੋਣ ਵਾਲੀ ਇੱਕ ਬਹੁਤ ਵੱਡੀ ਛੂਤ ਦੀ ਬਿਮਾਰੀ ਹੈ ਜੋ ਹਵਾ ਨਾਲ ਫੈਲ ਸਕਦੀ ਹੈ , ਜਦੋਂ ਕੋਈ  ਵਿਅਕਤੀ ਖੰਘਦਾ ਹੈ ਜਾਂ ਨਿੱਛ ਮਾਰਦਾ ਹੈ ਜਾਂ ਉਹ ਕਿਸੇ ਚੀਜ਼ ਜਾਂ ਸਤਹਾਂ ਨੂੰ ਛੋਹ ਕੇ ਸਿੱਧੇ ਸੰਪਰਕ  ਕਰਦਾ ਹੈ ਤਾਂ ਇਹ ਬਿਮਾਰੀਆਂ ਬਾਕੀਆਂ ਵਿੱਚ ਵੀ ਫੈਲਦੀ ਹੈ , ਖਸਰਾ ਦੇ ਲੱਛਣਾਂ ਵਿੱਚ ਬੁਖਾਰ, ਖੰਘ, ਵਗਦਾ ਨੱਕ, ਅੱਖਾਂ ਵਿੱਚ ਪਾਣੀ ਅਤੇ ਲਾਲ ਚਟਾਕ ਦੇ ਧੱਫੜ ਸ਼ਾਮਲ ਹੋ ਸਕਦੇ ਹਨ |