ਸੈਨ ਫਰਨੈਂਡੋ , 12 ਅਕਤੂਬਰ ( NRI MEDIA )

ਅਮਰੀਕਾ ਦੇ ਕੈਲੀਫੋਰਨੀਆ ਦੇ ਜੰਗਲਾਂ ਵਿਚ ਪਿਛਲੇ ਦੋ ਦਿਨਾਂ ਤੋਂ ਲੱਗੀ ਅੱਗ ਨੇ ਸ਼ਨੀਵਾਰ ਨੂੰ ਇਕ ਜ਼ਬਰਦਸਤ ਰੂਪ ਧਾਰਨ ਕਰ ਲਿਆ ਹੈ , ਇਸ ਕਾਰਨ ਤਕਰੀਬਨ 1 ਲੱਖ ਲੋਕ ਆਪਣਾ ਘਰ ਛੱਡਣ ਲਈ ਮਜਬੂਰ ਹੋਏ ਹਨ , ਅੱਗ ਇੰਨੀ ਜ਼ਬਰਦਸਤ ਹੈ ਕਿ ਇਹ ਹਰ ਘੰਟੇ 800 ਏਕੜ ਤੱਕ ਫੈਲ ਰਹੀ ਹੈ , ਪੁਲਿਸ ਅਧਿਕਾਰੀਆਂ ਦੇ ਅਨੁਸਾਰ ਸੈਨ ਫਰਨੈਂਡੋ ਘਾਟੀ ਵਿੱਚ ਹੁਣ ਤੱਕ 7542 ਏਕੜ ਰਕਬਾ ਸੜ ਗਿਆ ਹੈ , ਅੱਗ ਹੁਣ ਲਾਸ ਏਂਜਲਸ ਸ਼ਹਿਰ ਤੋਂ ਸਿਰਫ 32 ਕਿਲੋਮੀਟਰ ਦੀ ਦੂਰੀ 'ਤੇ ਹੈ , ਇਸ ਨੂੰ ਬੁਝਾਉਣ ਦੀਆਂ ਕੋਸ਼ਿਸ਼ਾਂ ਤੇਜ਼ ਕਰ ਦਿੱਤੀਆਂ ਗਈਆਂ ਹਨ ਹਾਲਾਂਕਿ, ਸ਼ੁੱਕਰਵਾਰ ਸ਼ਾਮ ਤੱਕ ਪੂਰੇ ਖੇਤਰ ਦੀ ਅੱਗ ਦੇ ਸਿਰਫ 13% ਨੂੰ ਕਾਬੂ ਕੀਤਾ ਜਾ ਸਕਿਆ |

ਤੇਜ਼ ਹਵਾਵਾਂ ਕਾਰਨ ਕੈਲੀਫੋਰਨੀਆ ਵਿਚ ਇਸ ਅੱਗ ਨੂੰ ਇਕ ਵੱਡੀ ਬਿਪਤਾ ਐਲਾਨਿਆ ਗਿਆ ਹੈ , ਇਸਦਾ ਨਾਮ ਸੈਡਲਰਿਜ ਫਾਇਰ ਰੱਖਿਆ ਗਿਆ ਹੈ , ਅੱਗ ਲੱਗਣ ਨਾਲ ਤਕਰੀਬਨ 31 ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ, ਇਸ ਦੇ ਨਾਲ ਹੀ ਇਸ ਨਾਲ 20 ਹਜ਼ਾਰ ਘਰਾਂ ਦੇ ਫਸਣ ਦਾ ਖ਼ਤਰਾ ਹੈ , ਦੱਸਿਆ ਜਾ ਰਿਹਾ ਹੈ ਕਿ ਅੱਗ ਸਿਲਮਰ ਸ਼ਹਿਰ ਵਿਚ ਸ਼ੁਰੂ ਹੋਈ ਸੀ , ਇਸ ਦੇ ਵਾਧੇ ਦਾ ਕਾਰਨ ਸਾਹਮਣੇ ਨਹੀਂ ਆਇਆ ਹੈ ਹਾਲਾਂਕਿ, ਤੇਜ਼ ਹਵਾਵਾਂ ਅਤੇ ਘੱਟ ਨਮੀ ਕਾਰਨ ਅੱਗ ਤੇਜ਼ੀ ਨਾਲ ਫੈਲਣ ਲੱਗੀ।

1000 ਫਾਇਰਮੈਨ ਅੱਗ ਬੁਝਾਉਣ ਲਈ ਲੱਗੇ ਹੋਏ 

ਲਾਸ ਏਂਜਲਸ ਦੇ ਫਾਇਰ ਵਿਭਾਗ ਦੇ ਮੁਖੀ ਰਾਫ ਤੇਰਜਾਸ ਨੇ ਵਸਨੀਕਾਂ ਨੂੰ ਆਪਣੇ ਘਰ ਛੱਡ ਕੇ ਸੁਰੱਖਿਅਤ ਥਾਵਾਂ 'ਤੇ ਜਾਣ ਦੀ ਅਪੀਲ ਕੀਤੀ ਹੈ , ਅੱਗ ਬੁਝਾਉਣ ਲਈ ਤਕਰੀਬਨ ਇਕ ਹਜ਼ਾਰ ਫਾਇਰਮੈਨ ਲੱਗੇ ਹੋਏ ਹਨ , ਇਸ ਤੋਂ ਇਲਾਵਾ ਹੈਲੀਕਾਪਟਰਾਂ ਅਤੇ ਜਹਾਜ਼ਾਂ ਰਾਹੀਂ ਪਾਣੀ ਦਾ ਛਿੜਕਾਅ ਕਰਕੇ ਅੱਗ ਨੂੰ ਖਤਮ ਕਰਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ ,ਅੱਗ ਲੱਗਣ ਕਾਰਨ ਜ਼ਿਆਦਾਤਰ ਇਲਾਕਿਆਂ ਵਿਚ ਸਕੂਲ ਅਤੇ ਕਾਲਜ ਬੰਦ ਰਹੇ ,ਇਸ ਤੋਂ ਇਲਾਵਾ ਕੁਝ ਹਾਈਵੇਅ ਅਤੇ ਮੈਟਰੋ ਸੇਵਾਵਾਂ ਵੀ ਬੰਦ ਕਰ ਦਿੱਤੀਆਂ ਗਈਆਂ ਸਨ।