ਵੈੱਬ ਡੈਸਕ (ਵਿਕਰਮ ਸਹਿਜਪਾਲ) : 3 ਨੌਜਵਾਨ ਲੜਕੀਆਂ ਵਲੋਂ ਆਪਣੀ ਜਿਨਸੀ ਕਾਮਨਾ ਦੀ ਪੂਰਤੀ ਲਈ ਇਕ ਨੌਜਵਾਨ ਨੂੰ ਅਗਵਾ ਕਰਨ ਤੇ ਫੇਰ ਉਸ ਨੂੰ ਲੁੱਟ ਕੇ ਬਾਅਦ ਵਿਚ ਤਰਸਯੋਗ ਹਾਲਤ ਵਿਚ ਸੜਕ 'ਤੇ ਸੁਟੇ ਜਾਣ ਦੀ ਖਬਰ ਮਿਲੀ ਹੈ।  

ਇਹ ਹੈ ਪੂਰਾ ਮਾਮਲਾ...
ਰਿਆਨਪੁਰਾ ਮੁਰੀਦਕੇ ਜੀ. ਟੀ. ਰੋਡ ਦੇ ਵਸਨੀਕ ਨੌਜਵਾਨ ਉਮਰ ਨੂੰ ਇਨ੍ਹਾਂ ਮਨਚਲੀਆਂ ਲੜਕੀਆਂ ਨੇ ਪਹਿਲਾਂ ਤਾਂ ਅਗਵਾ ਕੀਤਾ, ਫੇਰ ਉਸ ਨੂੰ ਜਿਨਸੀ ਖਾਹਸ਼ ਜਗਾਉਣ ਦੇ ਟੀਕੇ ਲਗਾਏ ਤੇ ਉਸ ਤੋਂ ਬਾਅਦ ਨਸ਼ਾ ਮਿਲਿਆ ਸ਼ਰਬਤ ਪਿਲਾਇਆ। ਜਦੋਂ ਲੜਕੀਆਂ ਦੀ ਸੈਕਸ ਖਾਹਸ਼ ਪੂਰੀ ਹੋ ਗਈ ਤਾਂ ਉਨ੍ਹਾਂ ਉਸ ਨੌਜਵਾਨ ਨੂੰ ਪੂਰੀ ਤਰ੍ਹਾਂ ਨੰਗਾ ਕਰ ਕੇ ਮੁਰੀਦਕੇ-ਨਾਰੋਵਾਲ ਰੋਡ ਅਤੇ ਪੁਲ ਦੇ ਉਪਰ ਸੁੱਟ ਦਿੱਤਾ। 

ਸੜਕ ਤੋਂ ਲੰਘਣ ਵਾਲੇ ਲੋਕਾਂ ਨੇ ਲੜਕੇ ਨੂੰ ਗੰਭੀਰ ਹਾਲਤ ਵਿਚ ਮੁਰੀਦਕੇ ਹਸਪਤਾਲ ਵਿਚ ਪਹੁੰਚਾਇਆ। ਕੁਝ ਹੋਸ਼ ਆਉਣ 'ਤੇ ਨੌਜਵਾਨ ਨੇ ਪੁਲਸ ਨੂੰ ਦੱਸਿਆ ਕਿ ਉਹ ਤਿੰਨੇ ਲੜਕੀਆਂ ਉਸ ਤੋਂ 3500 ਰੁਪਏ ਅਤੇ ਮੋਬਾਇਲ ਫੋਨ ਵੀ ਖੋਹ ਕੇ ਲੈ ਗਈਆਂ।