ਕੁੰਡਲੀ(ਦੇਵ ਇੰਦਰਜੀਤ) :11 ਫਰਵਰੀ, ਵੀਰਵਾਰ ਨੂੰ ਨੌਦੀਪ ਕੌਰ ਦੇ ਵਕੀਲ ਜਤਿੰਦਰ ਕਾਲਾ ਨੇ ਦਸਿਆ ਕੀ ਨੌਦੀਪ ਕੌਰ ਨੂੰ ਇੱਕ ਕੇਸ ਵਿੱਚ ਜਮਾਨਤ ਮਿਲ ਗਈ ਹੈ।

ਹਾਲਾਂਕਿ, ਉਹ ਹਰਿਆਣੇ ਦੇ ਕੁੰਡਲੀ ਵਿੱਚ 12 ਜਨਵਰੀ ਨੂੰ ਵਾਪਰੀਆਂ ਘਟਨਾਵਾਂ ਲਈ ਉਸਦੇ ਵਿਰੁੱਧ ਦਰਜ ਕੀਤੇ ਗਏ ਦੋ ਕੇਸਾਂ ਦੇ ਸਬੰਧ ਵਿੱਚ ਕਰਨਾਲ ਜੇਲ੍ਹ ਵਿੱਚ ਨਜ਼ਰਬੰਦ ਹੈ। ਇਸ ਸਮੇਂ ਕੌਰ ਖ਼ਿਲਾਫ਼ ਕੁੰਡਲੀ ਉਦਯੋਗਿਕ ਖੇਤਰ ਵਿੱਚ ਮਜ਼ਦੂਰਾਂ ਦੇ ਹੱਕਾਂ ਲਈ ਕੀਤੇ ਜਾ ਰਹੇ ਵਿਰੋਧ ਪ੍ਰਦਰਸ਼ਨ ਬਾਰੇ ਤਿੰਨ ਕੇਸ ਚੱਲ ਰਹੇ ਹਨ।

ਦੱਸਣਯੋਗ ਹੈ ਕੀ ਸਭ ਤੋਂ ਪਹਿਲਾਂ ਦਸੰਬਰ 2020 ਦੀ ਇਕ ਘਟਨਾ ਨਾਲ ਸਬੰਧਤ ਹੈ, ਜਦੋਂ ਉਸਨੇ ਅਤੇ ਮਜ਼ਦੂਰ ਅਧਿਕਾਰ ਸੰਗਠਨ ਦੇ ਹੋਰ ਵਿਰੋਧੀਆਂ ਨੇ ਇਕ ਉਦਯੋਗਿਕ ਇਕਾਈ ਦਾ ਘਿਰਾਓ ਕੀਤਾ ਅਤੇ ਮਜ਼ਦੂਰਾਂ ਲਈ ਮਜ਼ਦੂਰੀ ਦੀ ਮੰਗ ਕੀਤੀ। ਇਹ ਉਹ ਕੇਸ ਹੈ ਜਿਸ ਵਿੱਚ ਉਸਨੂੰ ਜ਼ਮਾਨਤ ਮਿਲੀ ਹੋਈ ਹੈ।

ਵਕੀਲ ਜਤਿੰਦਰ ਕਾਲਾ ਦਾ ਕਹਿਣਾ ਹੈ ਕੀ,ਅਗਲੇ ਹਾਫ਼ਤੇ ਤਕ ਨੌਦੀਪ ਕੌਰ ਨੂੰ ਸਾਰੇ ਕੇਸਾਂ ਤੋਂ ਬਰੀ ਕੀਤਾ ਜਾ ਸਕਦਾ ਹੈ।