ਨਵੀਂ ਦਿੱਲੀ , 11 ਦਸੰਬਰ ( NRI MEDIA )

ਭਾਰਤ ਵਿੱਚ ਪਿਛਲੇ ਕਈ ਦਿਨਾਂ ਤੋਂ ਸਿਟੀਜ਼ਨਸ਼ਿਪ ਸੋਧ ਬਿੱਲ ਤੇ ਚਰਚਾ ਚਿੜੀ ਹੋਈ ਹੈ , ਸਿਟੀਜ਼ਨਸ਼ਿਪ ਸੋਧ ਬਿੱਲ 2019 ਅੱਜ ਰਾਜ ਸਭਾ ਵਿੱਚ ਪੇਸ਼ ਕੀਤਾ ਜਾਵੇਗਾ , ਇਹ ਬਿੱਲ ਸੋਮਵਾਰ ਨੂੰ ਲੋਕ ਸਭਾ ਵਿੱਚ ਪਾਸ ਕੀਤਾ ਗਿਆ ਹੈ , ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਇਸ ਨੂੰ ਦੁਪਹਿਰ 2 ਵਜੇ ਰਾਜ ਸਭਾ ਵਿੱਚ ਪੇਸ਼ ਕਰਨਗੇ ,ਇਸ ਤੋਂ ਪਹਿਲਾਂ ਭਾਜਪਾ ਪਾਰਲੀਮਾਨੀ ਪਾਰਟੀ ਦੀ ਬੈਠਕ ਸੰਸਦ ਦੀ ਲਾਇਬ੍ਰੇਰੀ ਵਿੱਚ ਸ਼ੁਰੂ ਹੋਈ ਹੈ |

ਲੋਕ ਸਭਾ ਵਿੱਚ ਸੱਤ ਘੰਟਿਆਂ ਦੀ ਵਿਚਾਰ ਵਟਾਂਦਰੇ ਤੋਂ ਬਾਅਦ 80 ਦੇ ਮੁਕਾਬਲੇ 311 ਵੋਟਾਂ ਦੇ ਬਹੁਮਤ ਨਾਲ ਬਿੱਲ ਨੂੰ ਪਾਸ ਕਰ ਦਿੱਤਾ ਗਿਆ ਸੀ ਇਸ ਸਮੇਂ ਦੌਰਾਨ 391 ਮੈਂਬਰ ਮੌਜੂਦ ਸਨ , ਰਾਜ ਸਭਾ ਵਿੱਚ ਕੁੱਲ 245 ਸੰਸਦ ਮੈਂਬਰ ਹਨ, ਪਰ ਮੌਜੂਦਾ ਤਾਕਤ 240 ਹੈ , ਅਜਿਹੀ ਸਥਿਤੀ ਵਿੱਚ ਸਰਕਾਰ ਨੂੰ ਬਿੱਲ ਪਾਸ ਕਰਨ ਲਈ 121 ਸੰਸਦ ਮੈਂਬਰਾਂ ਦੇ ਸਮਰਥਨ ਦੀ ਲੋੜ ਹੈ ,ਭਾਜਪਾ ਦੇ ਕੁੱਲ 83 ਮੈਂਬਰ ਹਨ , ਇਸ ਨੂੰ 38 ਹੋਰ ਸੰਸਦ ਮੈਂਬਰਾਂ ਦੇ ਸਮਰਥਨ ਦੀ ਜ਼ਰੂਰਤ ਹੈ |

ਰਾਜ ਸਭਾ ਵਿੱਚ ਗਣਿਤ ਕੀ ਕਹਿੰਦੀ ਹੈ ? 

ਰਾਜ ਸਭਾ ਵਿੱਚ ਇਸ ਸਮੇਂ ਕੁੱਲ 240 ਮੈਂਬਰ ਹਨ, ਇਸ ਲਈ ਬਹੁਮਤ ਲਈ 121 ਦੀ ਜਰੂਰਤ ਹੈ , ਭਾਜਪਾ ਦੇ ਸੂਤਰ ਦੱਸਦੇ ਹਨ ਕਿ ਉਨ੍ਹਾਂ ਕੋਲ 124-130 ਵੋਟਾਂ ਹਨ, ਜਦੋਂ ਕਿ ਵਿਰੋਧੀ ਧਿਰ ਨੂੰ 90-93 ਵੋਟਾਂ ਮਿਲ ਸਕਦੀਆਂ ਹਨ , ਇਕੱਲੇ ਭਾਜਪਾ ਦਾ ਅੰਕੜਾ 83 ਹੈ, ਜਦੋਂ ਕਿ ਉਸ ਨੂੰ ਏਆਈਏਡੀਐਮਕੇ (11), ਜੇਡੀਯੂ (6), ਸ਼੍ਰੋਮਣੀ ਅਕਾਲੀ ਦਲ (3) ਦਾ ਸਮਰਥਨ ਪ੍ਰਾਪਤ ਹੈ , ਇਨ੍ਹਾਂ ਪਾਰਟੀਆਂ ਤੋਂ ਇਲਾਵਾ ਬੀਜੇਡੀ (7), ਵਾਈਐਸਆਰਸੀਪੀ (2), ਟੀਡੀਪੀ (2) ਵੀ ਬਿੱਲ ਦੇ ਸਮਰਥਨ ਵਿੱਚ ਆ ਸਕਦੇ ਹਨ।