ਨਿਊਜ਼ ਡੈਸਕ : ਆਂਧਰਾ ਪ੍ਰਦੇਸ਼ ਦੇ ਚਿਤੂਰ ਜ਼ਿਲ੍ਹੇ ਦੇ ਸੇਸ਼ਾਚਲਮ ਘਾਟ ਰੋਡ 'ਤੇ ਐਤਵਾਰ ਇਕ ਬੱਸ ਦੇ 100 ਫੁੱਟ ਉੱਚੀ ਘਾਟੀ 'ਚ ਡਿੱਗਣ ਕਾਰਨ ਘੱਟੋ-ਘੱਟ ਅੱਠ ਲੋਕਾਂ ਦੀ ਮੌਤ ਹੋ ਗਈ ਤੇ 40 ਲੋਕ ਜ਼ਖਮੀ ਹੋ ਗਏ। ਇਹ ਘਟਨਾ ਤੀਰਥ ਨਗਰ ਤਿਰੂਪਤੀ ਤੋਂ ਕੁਝ ਕਿਲੋਮੀਟਰ ਦੂਰ ਮਦਨਪੱਲੇ ਤੇ ਤਿਰੂਪਤੀ ਦੇ ਵਿਚਕਾਰ ਭਾਕਰਪੇਟ ਵਿਖੇ ਰਾਤ ਕਰੀਬ 10.30 ਵਜੇ ਵਾਪਰੀ।

ਤਿਰੂਪਤੀ (ਸ਼ਹਿਰੀ) ਪੁਲਿਸ ਦੇ ਅਨੁਸਾਰ, ਧਰਮਵਰਮ ਤੋਂ ਇਕ ਪਰਿਵਾਰ ਦੇ ਲਗਪਗ 50 ਮੈਂਬਰ ਤੇ ਉਨ੍ਹਾਂ ਦੇ ਦੋਸਤ 28 ਸਾਲਾ ਮਲਿਸ਼ੇਟੀ ਵੇਨੂ ਦੀ ਸਗਾਈ ਸਮਾਗਮ 'ਚ ਸ਼ਾਮਲ ਹੋਣ ਲਈ ਇਕ ਨਿੱਜੀ ਬੱਸ 'ਚ ਤਿਰੂਪਤੀ ਸ਼ਹਿਰ ਤੋਂ ਲਗਪਗ 5 ਕਿਲੋਮੀਟਰ ਦੂਰ ਤਿਰੂਚਨੂਰ ਜਾ ਰਹੇ ਸਨ। “ਪਿਲੇਰੂ ਵਿਖੇ ਰਾਤ 9 ਵਜੇ ਦੇ ਕਰੀਬ ਇਕ ਢਾਬੇ ‘ਤੇ ਰਾਤ ਦਾ ਖਾਣਾ ਖਾਣ ਤੋਂ ਬਾਅਦ ਉਹ ਆਪਣੀ ਮੰਜ਼ਿਲ ਲਈ ਰਵਾਨਾ ਹੋਏ। ਸੇਸ਼ਾਚਲਮ ਪਹਾੜੀਆਂ 'ਤੇ ਭਾਕਰਪੇਟ ਘਾਟ ਰੋਡ 'ਤੇ ਡੋਨਾਕੋਟੀ ਗੰਗਾਮਾ ਮੰਦਰ ਨੂੰ ਪਾਰ ਕਰਨ ਤੋਂ ਬਾਅਦ, ਡਰਾਈਵਰ ਨੇ ਸਟੇਅਰਿੰਗ 'ਤੇ ਕੰਟਰੋਲ ਗੁਆ ਦਿੱਤਾ ਅਤੇ ਬੱਸ ਸੜਕ ਤੋਂ ਹੇਠਾਂ ਡਿੱਗ ਗਈ ਅਤੇ ਡੂੰਘੀ ਘਾਟੀ ਵਿੱਚ ਡਿੱਗ ਗਈ।