ਬੀਜਿੰਗ , 30 ਅਪ੍ਰੈਲ ( NRI MEDIA )

ਚੀਨ ਦੇ ਸਰਕਾਰੀ ਮੀਡੀਆ ਨੇ ਭਵਿੱਖਬਾਣੀ ਕੀਤੀ ਹੈ ਕਿ 2019 ਲੋਕ ਸਭਾ ਚੋਣਾਂ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਭਾਜਪਾ ਦੀ ਫਿਰ ਤੋਂ ਸਰਕਾਰ ਬਣੇਗੀ , ਗਲੋਬਲ ਟਾਈਮਜ਼, ਜਿਸ ਨੂੰ ਚੀਨੀ ਸਰਕਾਰ ਦਾ ਮੁਖ ਅਖਬਾਰ ਮੰਨਿਆ ਜਾਂਦਾ ਹੈ, ਉਸ ਨੇ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਦੇ ਸਿਆਸੀ ਕੱਦ ਦੇ ਸਾਹਮਣੇ ਕੋਈ ਵੀ ਭਾਰਤੀ ਨੇਤਾ ਮਜੂਦ ਨਹੀਂ ਹੈ , ਭਾਜਪਾ ਦਾ ਸੰਗਠਨ ਵਿਰੋਧੀ ਧਿਰ ਨਾਲੋਂ ਬਿਹਤਰ ਹੈ, ਇਸ ਲਈ ਵਾਪਸੀ ਦੀ ਪੱਕੀ ਸੰਭਾਵਨਾ ਹੈ , ਗਲੋਬਲ ਟਾਈਮਜ਼ ਵਿਚ ਛਪੇ ਇਕ ਲੇਖ ਵਿਚ ਲਿਖਿਆ ਹੈ ਕਿ ਚੋਣਾਂ ਲਈ ਪੂਰੀ ਉਮੀਦ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਭਾਰਤੀ ਜਨਤਾ ਪਾਰਟੀ ਸੰਸਦ ਵਿਚ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉਭਰ ਕੇ ਆਵੇਗੀ |

ਗਲੋਬਲ ਟਾਈਮਜ਼ ਨੇ ਲਿਖਿਆ ਕਿ ਭਾਜਪਾ ਦੀ ਫੰਡਿੰਗ ਸ਼ਕਤੀ ਅਤੇ ਸੰਸਥਾ ਦੀ ਤਾਕਤ ਵਿਰੋਧੀ ਧਿਰ ਨਾਲੋਂ ਬਿਹਤਰ ਹੈ , ਅਜਿਹਾ ਲਗਦਾ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਮੁੜ ਸੱਤਾ 'ਚ ਆਉਣ ਦੀ ਸੰਭਾਵਨਾ ਹੈ , ਉਨ੍ਹਾਂ ਲਿਖਿਆ ਕਿ ਭਾਰਤ ਦੇ ਲੋਕਾਂ ਨੂੰ ਮੋਦੀ ਦੀ ਕੂਟਨੀਤਕ ਵਿਰਾਸਤ ਨੂੰ ਜਾਰੀ ਰੱਖਣਾ ਚਾਹੀਦਾ ਹੈ |

ਚੋਣ ਨਤੀਜੇ ਜੋ ਮਰਜੀ ਹੋਣ ਦੇ ਨਾਮ ਤੋਂ ਲਿਖੇ ਗਏ ਆਰਟੀਕਲ ਵਿੱਚ ਦੁਨੀਆ ਦੇ ਦੇਸ਼ਾਂ ਨਾਲ ਪ੍ਰਧਾਨ ਮੰਤਰੀ ਮੋਦੀ ਦੇ ਕੂਟਨੀਤਕ ਯਤਨ ਦੀ ਸ਼ਲਾਘਾ ਕੀਤੀ ਗਈ ਹੈ , ਪ੍ਰਧਾਨ ਮੰਤਰੀ ਮੋਦੀ ਨੂੰ "ਵਿਵਹਾਰਕ" ਆਗੂ ਦੇ ਤੌਰ 'ਤੇ ਵਰਣਨ ਕਰਦੇ ਹੋਏ, ਸਾਰਕ ਅਤੇ ਚੀਨ ਨਾਲ ਸਬੰਧਾਂ ਨੂੰ ਮਜ਼ਬੂਤ ​​ਕਰਨ ਦੇ ਯਤਨਾਂ ਲਈ ਮੋਦੀ ਦੀ ਸ਼ਲਾਘਾ ਕੀਤੀ ਗਈ ਹੈ , ਇਸ ਦੇ ਨਾਲ ਹੀ ਭਾਰਤ ਵਿਚ ਚੋਣ ਨਤੀਜੇ ਲੇਖ 'ਚ ਕਿਹਾ ਗਿਆ ਹੈ ਕਿ ਖਾਸ ਤੌਰ' ਤੇ ਪਿਛਲੇ ਸਾਲ ਵੂਵਾਨ ਵਿੱਚ ਰਸਮੀ ਚਰਚਾ ਦਾ ਹਵਾਲਾ ਦੇ ਕੇ ਕਿਹਾ ਗਿਆ ਕਿ ਮੋਦੀ ਅਤੇ ਸ਼ੀ ਚਿਨਫਿੰਗ  ਵਿੱਚ ਹੋਈ ਮੀਟਿੰਗ ਨੇ ਭਾਰਤ ਅਤੇ ਚੀਨ ਦੇ ਵਿਚਕਾਰ ਸਿਆਸੀ, ਸੱਭਿਆਚਾਰਕ ਅਤੇ ਆਰਥਿਕ ਸਬੰਧ ਚੰਗੇ ਕੀਤੇ ਹਨ |

ਭਾਰਤ ਦੇ ਗੁਆਂਢੀ ਦੇਸ਼ ਇਸ ਸਮੇਂ ਭਾਰਤੀ ਚੋਣਾਂ ਉੱਤੇ ਨਜ਼ਰ ਬਣਾ ਕੇ ਰੱਖ ਰਹੇ ਹਨ , ਇਸ ਤੋਂ ਪਹਿਲਾ ਪਾਕਿਸਤਾਨ ਦੇ ਪ੍ਰਧਾਨਮੰਤਰੀ ਇਮਰਾਨ ਖਾਨ ਨੇ ਵੀ ਮੋਦੀ ਦੇ ਜਿੱਤਣ ਦੀ ਸੰਭਾਵਨਾ ਪ੍ਰਗਟ ਕੀਤੀ ਸੀ ਹਾਲਾਂਕਿ ਭਾਰਤ ਵਿੱਚ ਚੋਣ ਨਤੀਜੇ 23 ਮਈ ਨੂੰ ਆਉਣਗੇ |