ਪਣਜੀ , 18 ਮਾਰਚ ( NRI MEDIA )

ਗੋਆ ਦੇ ਮੁੱਖ ਮੰਤਰੀ ਅਤੇ ਸਾਬਕਾ ਰੱਖਿਆ ਮੰਤਰੀ ਮਨੋਹਰ ਪਾਰੀਕਰ ਦਾ 63 ਸਾਲ ਦੀ ਉਮਰ ਵਿਚ ਦੇਹਾਂਤ ਹੋ ਗਿਆ ਹੈ , ਪਾਰੀਕਰ ਫੌਰਨ ਸਕੈਨਰੀਟਿਕ ਕੈਂਸਰ ਤੋਂ ਪੀੜਤ ਸਨ , ਇਸ ਬਾਰੇ ਉਨ੍ਹਾਂ ਨੂੰ ਪਿਛਲੇ ਸਾਲ ਫਰਵਰੀ ਵਿਚ ਪਤਾ ਲੱਗਿਆ ਸੀ, ਉਸ ਤੋਂ ਬਾਅਦ ਉਨ੍ਹਾਂ ਨੇ ਗੋਆ, ਮੁੰਬਈ, ਦਿੱਲੀ ਅਤੇ ਨਿਊਯਾਰਕ ਦੇ ਹਸਪਤਾਲਾਂ ਵਿਚ ਇਲਾਜ ਕਰਵਾਇਆ ਪਰ ਉਹ ਬਚ ਨਹੀਂ ਸਕੇ, ਅੱਜ ਸ਼ਾਮ 5 ਵਜੇ ਮਨੋਹਰ ਪਾਰੀਕਰ ਦਾ ਰਾਸ਼ਟਰੀ ਸਨਮਾਨਾਂ ਨਾਲ ਸਸਕਾਰ ਕੀਤਾ ਜਾਵੇਗਾ , ਭਾਰਤ ਸਰਕਾਰ ਨੇ ਅੱਜ ਇਕ ਦਿਨ ਦੇ ਰਾਸ਼ਟਰੀ ਸੋਗ ਦਾ ਐਲਾਨ ਕੀਤਾ ਹੈ, ਇਸ ਦੇ ਨਾਲ ਹੀ ਗੋਆ ਵਿਚ 7 ਦਿਨ ਦੇ ਰਾਸ਼ਟਰੀ ਸੋਗ ਦਾ ਐਲਾਨ ਕੀਤਾ ਗਿਆ ਹੈ |

ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ ਨੇਤਾਵਾਂ ਨੇ ਪਰੀਕਰ ਦੀ ਮੌਤ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ, ਕੇਂਦਰ ਸਰਕਾਰ ਨੇ 18 ਮਾਰਚ ਨੂੰ ਇੱਕ ਦਿਨ ਦਾ ਰਾਸ਼ਟਰੀ ਸੋਗ ਐਲਾਨ ਕੀਤਾ ਹੈ , ਮਨੋਹਰ ਪਾਰੀਕਰ ਦਾ ਸਸਕਾਰ ਸੋਮਵਾਰ ਸ਼ਾਮ ਨੂੰ 5 ਵਜੇ ਕੀਤਾ ਜਾਵੇਗਾ , ਪਾਰੀਕਰ ਦੀ ਮੌਤ ਤੋਂ ਬਾਅਦ ਪੂਰੇ ਦੇਸ਼ ਵਿੱਚ ਸੋਗ ਦੀ ਇੱਕ ਲਹਿਰ ਹੈ , ਉਹ ਪਾਕਿਸਤਾਨ ਤੇ ਸਰਜੀਕਲ ਸਟਰਾਇਕ ਕਰਨ ਵਾਲੇ ਪਹਿਲੇ ਰੱਖਿਆ ਮੰਤਰੀ ਸਨ |

ਮਨੋਹਰ ਪਾਰੀਕਰ 13 ਦਸੰਬਰ, 1955 ਨੂੰ ਮਉਪਸਾ, ਗੋਆ ਵਿਚ ਪੈਦਾ ਹੋਏ ਸਨ , ਮਨੋਹਰ ਪਾਰੀਕਰ ਆਈ.ਆਈ.ਟੀ. ਪਾਸ ਪਾਸ ਕਰਨ ਵਾਲੇ ਪਹਿਲੇ ਮੁੱਖ ਮੰਤਰੀ ਸਨ, ਉਹ 2000-2002, 2002-05, 2012-2014 ਅਤੇ ਮਾਰਚ 2017-17 ਮਾਰਚ 2019 ਤੱਕ ਚਾਰ ਵਾਰ ਗੋਆ ਦੇ ਮੁੱਖ ਮੰਤਰੀ ਰਹੇ , ਜਦੋਂ 2014 ਵਿਚ ਕੇਂਦਰ ਵਿਚ ਭਾਜਪਾ ਸਰਕਾਰ ਬਣਾਈ ਗਈ  ਤਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਗੋਆ ਦੀ ਸਿਆਸਤ ਛੱਡਣੀ ਚਾਹੀਦੀ ਹੈ ਅਤੇ ਕੇਂਦਰ ਦੀ ਰਾਜਨੀਤੀ ਵਿਚ ਆਉਣਾ ਚਾਹੀਦਾ ਹੈ. ਇਸ ਤੋਂ ਬਾਅਦ ਪਾਰੀਕਰ ਨੂੰ ਰੱਖਿਆ ਮੰਤਰੀ ਬਣਾਇਆ ਗਿਆ ਸੀ |

ਮਨੋਹਰ ਪਾਰੀਕਰ ਦੀ ਪਤਨੀ ਮੇਧਾ ਪਾਰੀਕਰ ਦਾ 2001 ਵਿੱਚ ਕੈਂਸਰ ਨਾਲ ਦੇਹਾਂਤ ਹੋ ਗਿਆ ਸੀ. ਉਨ੍ਹਾਂ ਦੇ ਦੋ ਪੁੱਤਰ ਉਤਪਲ ਅਤੇ ਅਭਿਜਾਤ ਹਨ , ਉਤਪਲ ਅਮਰੀਕਾ ਦੇ ਮਿਸ਼ੀਗਨ ਸਟੇਟ ਯੂਨੀਵਰਸਿਟੀ ਤੱਕ ਇੰਜੀਨੀਅਰਿੰਗ ਦਾ ਅਧਿਐਨ ਕੀਤਾ ਹੈ ਜਦਕਿ ਅਭਿਜਾਤ ਇਕ ਵਪਾਰੀ ਹਨ |