ਜੈਪੁਰ (ਪਾਇਲ): ਰਾਜਸਥਾਨ ਪੈਨਸ਼ਨਰ ਸਮਾਜ ਜ਼ਿਲਾ ਸ਼ਾਖਾ ਜੈਪੁਰ ਦੀ ਸਰਪ੍ਰਸਤੀ ਹੇਠ ਪੈਨਸ਼ਨਰਾਂ ਨੇ ਪ੍ਰਦਰਸ਼ਨ ਕੀਤਾ ਅਤੇ ਪੈਨਸ਼ਨਰਾਂ ਦੀਆਂ ਮੰਗਾਂ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਦੇ ਨਾਂ ਵਧੀਕ ਜ਼ਿਲਾ ਕਲੈਕਟਰ ਨਰਿੰਦਰ ਸਿੰਘ ਨੂੰ ਮੰਗ ਪੱਤਰ ਸੌਂਪਿਆ। ਸੂਬਾ ਜਨਰਲ ਸਕੱਤਰ ਕਿ੍ਸ਼ਨ ਸ਼ਰਮਾ ਤੇ ਜ਼ਿਲ੍ਹਾ ਪ੍ਰਧਾਨ ਕੇ.ਮੀਨਾ ਨੇ ਕਿਹਾ ਕਿ ਪੈਨਸ਼ਨਰਾਂ ਨੂੰ ਦੋ ਹਿੱਸਿਆਂ 'ਚ ਵੰਡਣ ਅਤੇ ਵਿੱਤ ਬਿੱਲ 'ਚ ਅਦਾਲਤ 'ਚ ਜਾਣ ਦੀ ਵਿਵਸਥਾ ਨੂੰ ਖ਼ਤਮ ਕਰਨ ਸਬੰਧੀ ਸੋਧਾਂ ਅਤੇ ਅੱਠਵੇਂ ਤਨਖ਼ਾਹ ਸਕੇਲ ਕਮਿਸ਼ਨ ਦੀਆਂ ਸ਼ਰਤਾਂ ਤਹਿਤ ਪੈਨਸ਼ਨਰਾਂ ਦੇ ਹਿੱਤਾਂ ’ਤੇ ਕੀਤੇ ਜਾ ਰਹੇ ਹਮਲੇ ਦੇ ਵਿਰੋਧ ਵਿੱਚ ਜ਼ਿਲ੍ਹਾ ਪੁਲਿਸ ਮੁਖੀ ਰਾਹੀਂ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਇਹ ਮੰਗ ਪੱਤਰ ਸੂਬੇ ਭਰ ਦੀਆਂ ਸਾਰੀਆਂ ਜ਼ਿਲ੍ਹਾ ਸ਼ਾਖਾਵਾਂ ਅਤੇ ਉਪ ਸ਼ਾਖਾਵਾਂ ਵੱਲੋਂ ਦਿੱਤਾ ਗਿਆ ਹੈ।

ਰਾਜਸਥਾਨ ਪੈਨਸ਼ਨਰ ਸਮਾਜ ਜ਼ਿਲ੍ਹਾ ਸ਼ਾਖਾ ਜੈਪੁਰ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਦੱਸਿਆ ਕਿ ਅੱਜ ਮੰਗ ਪੱਤਰ ਦੇਣ ਵਾਲੇ ਵਫ਼ਦ ਵਿੱਚ ਸੂਬਾ ਜਨਰਲ ਸਕੱਤਰ ਕਿਸ਼ਨ ਸ਼ਰਮਾ, ਜ਼ਿਲ੍ਹਾ ਪ੍ਰਧਾਨ ਜੈਪੁਰ ਮੀਨਾ, ਜ਼ਿਲ੍ਹਾ ਜਨਰਲ ਸਕੱਤਰ ਮਦਨ ਲਾਲ ਸ਼ਰਮਾ, ਖਜ਼ਾਨਚੀ ਮੰਗੀ ਲਾਲ ਗੁਰਜਰ ਅਤੇ ਸੀ ਸਕੀਮ ਸਬ-ਬ੍ਰਾਂਚ ਦੇ ਪ੍ਰਧਾਨ ਅਸ਼ੋਕ ਕੁਮਾਰ ਨਾਗ ਸ਼ਾਮਲ ਸਨ।