ਪਿਓਂਗਯਾਂਗ / ਵਾਸ਼ਿੰਗਟਨ , 05 ਜੂਨ ( NRI MEDIA )

ਅਮਰੀਕਾ ਅਤੇ ਉੱਤਰ ਕੋਰੀਆ ਦੇ ਰਿਸ਼ਤਿਆਂ ਵਿੱਚ ਇਕ ਵਾਰ ਫਿਰ ਖਟਾਸ ਵੇਖਣ ਨੂੰ ਮਿਲ ਸਕਦੀ ਹੈ , ਉੱਤਰੀ ਕੋਰੀਆ ਨੇ ਆਪਣੇ ਉੱਤੇ ਲੱਗੀਆਂ ਪਾਬੰਦੀਆਂ ਨੂੰ ਲੈ ਕੇ ਇਕ ਵਾਰ ਫਿਰ ਅਮਰੀਕਾ ਨੂੰ ਧਮਕੀ ਦਿੱਤੀ ਹੈ , ਸਰਕਾਰ ਨੇ ਕੋਰੀਆਈ ਕੇਂਦਰੀ ਨਿਊਜ਼ ਏਜੰਸੀ (ਕੇਸੀਐਨਏ) ਦੇ ਹਵਾਲੇ ਨਾਲ ਬੁੱਧਵਾਰ ਨੂੰ ਕਿਹਾ ਕਿ ਵਾਸ਼ਿੰਗਟਨ ਗੱਲਬਾਤ ਲਈ ਛੇਤੀ ਹੀ ਕੂਟਨੀਤਕ ਪ੍ਰਕਿਰਿਆ ਨੂੰ ਅਪਣਾ ਲਵੇ ਕਿਉਂਕਿ ਹੁਣ ਉਨ੍ਹਾਂ ਦਾ ਸਬਰ ਟੁੱਟਣ ਦੇ ਕੰਡੇ ਤੇ ਹੈ ,ਉੱਤਰੀ ਕੋਰੀਆ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਇਸ ਸਬੰਧੀ ਇਕ ਬਿਆਨ ਜਾਰੀ ਕੀਤਾ ਹੈ |

ਉੱਤਰੀ ਕੋਰੀਆ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ, '' ਅਮਰੀਕਾ ਨੂੰ ਆਪਣਾ ਅਨੁਮਾਨ ਲਗਾਉਣ ਦਾ ਤਰੀਕਾ ਬਦਲਣਾ ਚਾਹੀਦਾ ਹੈ, ਇਸ ਲਈ ਸਾਨੂੰ ਪਿਛਲੇ ਸਾਲ ਜੂਨ ਵਿੱਚ ਪਹਿਲੀ ਮੁਲਾਕਾਤ ਦੇ ਸਮਝੌਤੇ ਨੂੰ ਕਾਇਮ ਰੱਖਣਾ ਚਾਹੀਦਾ ਹੈ , ਅਮਰੀਕਾ ਨੂੰ ਪਿਛਲੇ ਇੱਕ ਸਾਲ ਵਿੱਚ ਸਾਡੇ ਸੰਬੰਧਾਂ ਵਿੱਚ ਤਬਦੀਲੀਆਂ ਨੂੰ ਵੇਖਣਾ ਚਾਹੀਦਾ ਹੈ ਅਤੇ ਜਲਦੀ ਤੋਂ ਜਲਦੀ ਆਪਣੀਆਂ ਨੀਤੀਆਂ ਤੇ ਫੈਸਲਾ ਕਰਨਾ ਚਾਹੀਦਾ ਹੈ, ਪਰ ਇਹ ਬਹੁਤ ਦੇਰ ਨਾਲ ਹੈ ਕਿਉਂਕਿ ਪਰੀਖਿਆ ਦੀ ਵੀ ਇੱਕ ਹੱਦ ਹੁੰਦੀ ਹੈ |

ਹਾਲ ਹੀ ਵਿਚ ਉੱਤਰ ਕੋਰੀਆ ਦੇ ਸ਼ਾਸ਼ਕ ਕਿਮ ਜੋਂਗ ਉਨ ਨੇ ਮੰਗ ਕੀਤੀ ਸੀ ਕਿ ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੌੰਪੀਓ ਨੂੰ ਦੁਵੱਲੇ ਮਸਲੇ 'ਤੇ ਚਰਚਾ ਲਈ ਹਟਾਉਣ ਦੀ ਜ਼ਰੂਰਤ ਹੈ ,ਕਿਮ ਦੇ ਦੋਸ਼ ਲਾਇਆ ਸੀ ਕਿ ਉਹ ਪੂਰੀ ਪ੍ਰਕਿਰਿਆ ਨੂੰ ਪਟਰੀ ਤੋਂ ਉਤਾਰ ਰਹੇ ਹਨ , ਕਿਮ ਨੇ ਚੇਤਾਵਨੀ ਦਿੱਤੀ ਕਿ ਜੇ ਅਮਰੀਕਾ ਇਸ ਤਰ੍ਹਾਂ ਉੱਤਰ ਕੋਰੀਆ ਉੱਤੇ ਅਵਿਸ਼ਵਾਸ ਜਾਹਰ ਕਰਦਾ ਰਿਹਾ ਤਾਂ ਦੋਵਾਂ ਦੇ ਸੰਬੰਧ ਪੁਰਾਣੇ ਸਥਿਤੀ (ਤਣਾਅ) ਵਿੱਚ ਆ ਜਾਣਗੇ , ਜਿਕਰਯੋਗ ਹੈ ਕਿ ਹਨੋਈ ਵਿੱਚ ਕਿਮ ਨੇ ਪਾਬੰਦੀਆਂ ਨੂੰ ਤੁਰੰਤ ਮੁਆਫ ਕਰਨ ਦੀ ਮੰਗ ਵੀ ਕੀਤੀ ਸੀ ਪਰ ਇਸ ਮਾਮਲੇ ਉੱਤੇ ਦੋਹਾਂ ਪੱਖਾਂ ਵਿੱਚ ਇਕ ਰਾਏ ਨਹੀਂ ਬਣ ਸਕੀ ਸੀ |