ਪੱਤਰ ਪ੍ਰੇਰਕ : ਮਨੀ ਲਾਂਡਰਿੰਗ ਮਾਮਲੇ ਦੀ ਜਾਂਚ ਦੇ ਸਬੰਧ ਵਿੱਚ ਐਨਫੋਰਸਮੈਂਟ ਡਾਇਰੈਕਟੋਰੇਟ (ED) vs ਮੁਖਤਾਰ ਅੰਸਾਰੀ ਅਤੇ ਉਸਦੇ ਪੁੱਤਰ ਅੱਬਾਸ ਅੰਸਾਰੀ ਦੀ 73.43 ਲੱਖ ਰੁਪਏ ਦੀ ਜਾਇਦਾਦ ਜ਼ਬਤ ਕਰ ਲਈ ਹੈ।

ਇਸ ਸਬੰਦੀ ਈਡੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਅੱਬਾਸ ਅੰਸਾਰੀ ਦੀਆਂ ਜਾਇਦਾਦਾਂ ਨੂੰ ਜ਼ਬਤ ਕਰ ਲਿਆ ਗਿਆ ਹੈ। ਇਸ ਵਿੱਚ ਅਰਾਜੀ ਨੰਬਰ 604, ਮੌਜਾ ਰਾਜਦੇਪੁਰ ਦੇਹਤੀ, ਤਹਿਸੀਲ ਸਦਰ, ਗਾਜ਼ੀਪੁਰ ਵਿਖੇ ਸਥਿਤ 1538 ਵਰਗ ਫੁੱਟ ਜ਼ਮੀਨ ਅਤੇ ਇਸ 'ਤੇ ਬਣੀ ਵਪਾਰਕ ਇਮਾਰਤ ਅਤੇ ਅਰਾਜੀ ਨੰਬਰ 169, ਮੌਜਾ ਜਹਾਂਗੀਰਾਬਾਦ, ਪਰਗਨਾ ਵਿਖੇ 6020 ਵਰਗ ਫੁੱਟ ਜ਼ਮੀਨ ਦਾ ਪਲਾਟ ਅਤੇ ਤਹਿਸੀਲ-ਸਦਰ, ਜ਼ਿਲ੍ਹਾ-ਮੌੜ ਸ਼ਾਮਲ ਹੈ।

ਈਡੀ ਨੇ ਕਿਹਾ ਕਿ ਮੁਖਤਾਰ ਅਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਨੇ ਸਰਕਾਰੀ ਜ਼ਮੀਨ ਉਤੇ ਕਬਜ਼ਾ ਕਰ ਕੇ ਉਸ 'ਤੇ ਗੋਦਾਮ ਬਣਾਏ ਹਨ। ਇਹ ਗੋਦਾਮ ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ ਲਿਮਟਿਡ ਨੇ ਕਿਰਾਏ 'ਤੇ ਲਿਆ ਸੀ ਅਤੇ ਮੁਖਤਾਰ ਦੇ ਪਰਿਵਾਰਕ ਮੈਂਬਰਾਂ ਨੂੰ ਕਿਰਾਏ ਦਾ ਭੁਗਤਾਨ ਕੀਤਾ ਸੀ। ਈਡੀ ਨੇ ਇਸ ਤੋਂ ਪਹਿਲਾਂ ਮੁਖਤਾਰ ਦੀ ਪਤਨੀ ਅਤੇ ਉਸਦੇ ਰਿਸ਼ਤੇਦਾਰਾਂ ਦੁਆਰਾ ਨਿਯੰਤਰਿਤ ਫਰਮ ਵਿਕਾਸ ਕੰਸਟਰਕਸ਼ਨ ਨਾਲ ਸਬੰਧਤ ਯੂਪੀ ਦੇ ਮਓ ਅਤੇ ਜਾਲੌਨ ਜ਼ਿਲ੍ਹਿਆਂ ਵਿੱਚ ਜ਼ਮੀਨ ਦੇ ਪਲਾਟਾਂ ਦੇ ਰੂਪ ਵਿੱਚ 1.5 ਕਰੋੜ ਰੁਪਏ ਦੀ ਅਚੱਲ ਜਾਇਦਾਦ ਕੁਰਕ ਕੀਤੀ ਸੀ।