ਵਾਸ਼ਿੰਗਟਨ , 26 ਅਪ੍ਰੈਲ ( NRI MEDIA )

ਅਮਰੀਕਾ ਵਿਚ ਰਾਸ਼ਟਰਪਤੀ ਚੋਣਾਂ ਅਗਲੇ ਸਾਲ ਨਵੰਬਰ ਵਿਚ ਹੋਣੀਆਂ ਹਨ ਪਰ ਇੱਕ ਸਾਲ ਪਹਿਲਾਂ ਹੀ ਬਹੁਤ ਸਾਰੇ ਨੇਤਾਵਾਂ ਨੇ ਚੋਣਾਂ ਲੜਨ ਦਾ ਦਾਅਵਾ ਕੀਤਾ ਹੈ , ਉਨ੍ਹਾਂ ਉਮੀਦਵਾਰਾਂ ਵਿਚੋਂ ਸਭ ਤੋਂ ਤਾਜ਼ਾ ਸਾਬਕਾ ਉਪ ਰਾਸ਼ਟਰਪਤੀ ਜੋਏ ਬਿਡੇਨ ਦਾ ਹੈ , ਬਿਡੇਨ 20ਵੇਂ ਡੈਮੋਕਰੇਟ ਨੇਤਾ ਹਨ ਜੋ ਰਾਸ਼ਟਰਪਤੀ ਚੋਣ ਲਈ ਮੁਹਿੰਮ ਸ਼ੁਰੂ ਕਰਨਗੇ ,ਇਸ ਤੋਂ ਪਹਿਲਾਂ ਵੱਡੇ ਨਾਮ ਜਿਵੇਂ ਕਿ ਬਰਨੀ ਸੈਂਡਰਜ਼ ਅਤੇ ਕਮਲਾ ਹੈਰਿਸ ਨੇ ਰਾਸ਼ਟਰਪਤੀ ਚੋਣ ਲੜਨ ਦਾ ਐਲਾਨ ਕੀਤਾ ਸੀ , ਇਸ ਤੋਂ ਪਹਿਲਾ 2008 ਵਿਚ ਉਨ੍ਹਾਂ ਨੂੰ ਬਰਾਕ ਓਬਾਮਾ ਸਾਹਮਣੇ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹਾਲਾਂਕਿ ਓਬਾਮਾ ਪ੍ਰਸ਼ਾਸਨ ਵਿੱਚ,ਉਹ ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਬਣੇ ਸਨ |

ਬਿਡੇਨ ਨੇ ਪਹਿਲਾਂ 1988 ਅਤੇ 2008 ਵਿੱਚ ਡੈਮੋਕਰੇਟ ਤੋਂ ਰਾਸ਼ਟਰਪਤੀ ਚੋਣ ਲੜਨ ਦੀ ਆਪਣੀ ਇੱਛਾ ਪ੍ਰਗਟ ਕੀਤੀ ਸੀ. ਹਾਲਾਂਕਿ ਉਨ੍ਹਾਂ ਨੂੰ ਦੋਵੇਂ ਵਾਰ ਆਪਣਾ ਨਾਮ ਵਾਪਸ ਲੈਣਾ ਪਿਆ , 1988 ਵਿਚ, ਉਨ੍ਹਾਂ 'ਤੇ ਦੂਜਿਆਂ ਦੇ ਭਾਸ਼ਣ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ , 78 ਸਾਲਾ ਬਿਡੇਨ, ਜੇਕਰ  ਰਾਸ਼ਟਰਪਤੀ ਚੋਣ ਜਿੱਤ ਲੈਂਦੇ ਹਨ, ਤਾਂ ਇਸ ਸਥਿਤੀ 'ਤੇ ਪਹੁੰਚਣ ਵਾਲੇ ਉਹ ਸਭ ਤੋਂ ਲੰਮੀ ਉਮਰ ਦੇ ਆਗੂ ਹੋਣਗੇ , ਸੀਨੇਟ ਜਾਣ ਲਈ ਘੱਟੋ ਘੱਟ ਉਮਰ 30 ਸਾਲ ਹੈ, ਜਦਕਿ ਬਿਡੇਨ ਨੇ 29 ਸਾਲ ਦੀ ਉਮਰ ਵਿਚ ਸੀਨੇਟ ਦੀ ਚੋਣ ਜਿੱਤੀ ਸੀ ਹਾਲਾਂਕਿ ਸਹੁੰ ਚੁੱਕਣ ਤਕ ਉਹ 30 ਸਾਲ ਦੀ ਉਮਰ ਦੇ ਹੋ ਗਏ ਸਨ ਇਸ ਕਰਕੇ ਉਨ੍ਹਾਂ ਨੂੰ ਅਹੁਦੇ ਤੇ ਰਹਿਣ ਦੀ ਇਜਾਜ਼ਤ ਦਿੱਤੀ ਗਈ ਸੀ |

ਰਾਸ਼ਟਰਪਤੀ ਦੀ ਉਮੀਦਵਾਰੀ ਵਿੱਚ ਕੁੱਲ 20 ਡੈਮੋਕਰੇਟਸ ਆਪਣੇ ਨਾਮ ਦਾ ਐਲਾਨ ਕੀਤਾ ਹੈ , ਇਸ ਵਿਚ ਭਾਰਤੀ-ਮੂਲ ਦੀ ਕਮਲਾ ਹੈਰਿਸ ਅਤੇ ਅਮਰੀਕਾ ਦੀ ਪਹਿਲੀ ਮਹਿਲਾ ਹਿੰਦੂ ਐਮ ਪੀ ਤੁਲਸੀ ਗਾਬਾਰਡ ਦਾ ਨਾਂ ਸ਼ਾਮਲ ਹੈ , ਇਸ ਤੋਂ ਇਲਾਵਾ, ਕਡਾਰ ਡੈਮੋਕ੍ਰੇਟ ਲੀਡਰ ਬਰਨੀ ਸੈਂਡਰਜ਼ ਅਤੇ ਐਲਿਜ਼ਾਬੈਥ ਵਾਰਨ ਨੇ ਵੀ ਪਾਰਟੀ ਦੀ ਪ੍ਰਾਇਮਰੀ ਚੋਣ ਲੜਨ ਦਾ ਐਲਾਨ ਕੀਤਾ ਹੈ |

ਅਮਰੀਕਾ ਵਿਚ, ਰਾਸ਼ਟਰਪਤੀ ਚੋਣ ਲਈ, ਪਹਿਲਾ ਨੇਤਾ ਪਾਰਟੀ ਦੇ ਅੰਦਰ ਆਪਣੀ ਉਮੀਦਵਾਰੀ ਦਾ ਐਲਾਨ ਕਰਦਾ ਹੈ , ਇਸ ਤੋਂ ਬਾਅਦ, ਅੰਦਰੂਨੀ ਚੋਣ (ਪ੍ਰਾਇਮਰੀ) ਦੁਆਰਾ ਉਮੀਦਵਾਰ ਦੇ ਨਾਂ 'ਤੇ ਉਸਨੂੰ ਪਾਰਟੀ ਦੇ ਹੋਰ ਸੰਸਦ ਮੈਂਬਰਾਂ ਤੋਂ ਵੋਟਾਂ ਮਿਲਦੀਆਂ ਹਨ , ਸਭ ਤੋਂ ਵੱਧ ਵੋਟ ਪ੍ਰਾਪਤ ਕਰਨ ਵਾਲੇ ਉਮੀਦਵਾਰ ਨੂੰ ਮੁੱਖ ਚੋਣ ਵਿਚ ਰਾਸ਼ਟਰਪਤੀ ਨੂੰ ਚੁਣੌਤੀ ਦੇਣ ਦਾ ਮੌਕਾ ਮਿਲਦਾ ਹੈ |