ਓਰਲੈਂਡੋ , 19 ਜੂਨ ( NRI MEDIA ) 

ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ 2020 ਰਾਸ਼ਟਰਪਤੀ ਚੋਣ ਲਈ ਆਪਣੀ ਪ੍ਰਚਾਰ ਮੁਹਿੰਮ ਸ਼ੁਰੂ ਕੀਤੀ ਹੈ , ਫਲੋਰਿਡਾ ਵਿਚ ਪਹਿਲੀ ਸਭ ਕੀਤੀ ਗਈ ਜਿਸ ਵਿੱਚ ਤਕਰੀਬਨ 20 ਹਜ਼ਾਰ ਲੋਕ ਮਜੂਦ ਸਨ , ਰਾਸ਼ਟਰਵਾਦੀ ਸ਼ੈਲੀ ਵਿਚ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਰਾਸ਼ਟਰਪਤੀ ਟਰੰਪ ਨੇ ਇਕ ਵਾਰ ਫਿਰ ਅਮਰੀਕਾ ਨੂੰ ਮਹਾਨ ਬਣਾਉਣ ਦੀ ਗੱਲ ਕੀਤੀ , ਉਨ੍ਹਾਂ ਨੇ ਇਸ ਦੌਰਾਨ ਡੇਮੋਕ੍ਰੇਟ੍ਸ ਨੇਤਾਵਾਂ ਉੱਤੇ ਦੱਬ ਕੇ ਸਾਧੇ ਨਿਸ਼ਾਨੇ ਸਾਧੇ , ਟਰੰਪ ਨੇ ਕਿਹਾ ਕਿ ਡੈਮੋਕਰੇਟ ਦੇਸ਼ ਦੀ ਆਰਥਿਕਤਾ ਨੂੰ ਤਬਾਹ ਕਰਨਾ ਚਾਹੁੰਦੇ ਹਨ , ਇਸ ਸਮੇਂ ਦੌਰਾਨ ਉਨ੍ਹਾਂ ਨਾਲ ਉਨ੍ਹਾਂ ਦਾ ਸਾਰਾ ਪਰਿਵਾਰ ਅਤੇ ਪਤਨੀ ਮੇਲਾਨੀਆ ਟਰੰਪ ਵੀ ਮੌਜੂਦ ਸਨ , ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਲੋਕ ਉਨ੍ਹਾਂ ਨੂੰ ਦੁਬਾਰਾ ਮੌਕੇ ਦੇਣਗੇ |

ਉਨ੍ਹਾਂ ਵਲੋਂ ਫ਼ਲੋਰਿਡਾ ਵਿੱਚ ਪਹਿਲੀ ਸਭਾ ਕਰਨ ਪਿੱਛੇ ਵੱਡਾ ਕਾਰਣ ਹੈ , ਪਿਛਲੀ ਵਾਰ ਫਲੋਰੀਡਾ ਵਿਚ ਰਿਪਬਲਿਕਨਾਂ ਨੂੰ ਵੱਡੀ ਜਿੱਤ ਮਿਲੀ ਸੀ ਸੀ , ਟਰੰਪ ਨੇ ਕਿਹਾ- ਅਸੀਂ ਇੱਕ ਵਾਰ ਅਜਿਹਾ ਕੀਤਾ ਹੈ ਅਤੇ ਇਸਨੂੰ ਫਿਰ ਤੋਂ ਕਰਨ ਜਾ ਰਹੇ ਹਾਂ, ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ - ਅਸੀਂ ਅਮਰੀਕਾ ਨੂੰ ਫਿਰ ਮਹਾਨ ਬਣਾਉਣ ਜਾ ਰਹੇ ਹਾਂ , ਸਾਨੂੰ ਇਸ ਨੂੰ ਅੱਗੇ ਵਧਾਉਣ ਦੀ ਜ਼ਰੂਰਤ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਇਸੇ ਕਰਕੇ ਮੈਨੂੰ ਅਮਰੀਕਾ ਦੇ ਰਾਸ਼ਟਰਪਤੀ ਦੇ ਤੌਰ ਤੇ ਇੱਕ ਦੂਜੇ ਕਾਰਜਕਾਲ ਦੀ ਲੋੜ ਹੈ |

ਟਰੰਪ ਨੇ ਕਿਹਾ ਕਿ ਸਾਡੇ ਕੱਟੜਪੰਥੀ ਡੈਮੋਕਰੇਟ ਪੱਖਪਾਤ ਤੋਂ ਪੀੜਤ ਹਨ , ਉਹ ਲੋਕਾਂ ਅਤੇ ਸਾਡੇ ਦੇਸ਼ ਨੂੰ ਤਬਾਹ ਕਰਨਾ ਚਾਹੁੰਦੇ ਹਨ , ਟਰੰਪ ਨੇ ਕਿਹਾ ਕਿ ਅਸੀਂ ਇਹ ਨਹੀਂ ਹੋਣ ਦੇਵਾਂਗੇ ਅਸੀਂ ਜੀਡੀਪੀ ਅਤੇ ਰੁਜ਼ਗਾਰ ਦੇ ਮੁੱਦੇ ਨੂੰ ਚੁਣੌਤੀ ਦੇਵਾਂਗੇ,ਆਪਣੇ ਭਾਸ਼ਣ ਦੌਰਾਨ, ਟਰੰਪ ਨੇ ਆਰਥਿਕਤਾ, ਸਰਕਾਰ ਦੀ ਇਮੀਗ੍ਰੇਸ਼ਨ ਨੀਤੀ ਅਤੇ ਕਾਰੋਬਾਰ ਅਤੇ ਰੋਜਗਾਰ ਦੇ ਮੁੱਦਿਆਂ ਸਮੇਤ ਕਈ ਹੋਰ ਮੁੱਦਿਆਂ ਤੇ ਚਰਚਾ ਕੀਤੀ , ਇਸ ਦੌਰਾਨ ਉਨ੍ਹਾਂ ਨੇ ਸਿਆਸੀ ਵਿਰੋਧੀਆਂ ਦੀ ਆਲੋਚਨਾ ਕੀਤੀ , ਉਨ੍ਹਾਂ ਨੇ ਕਿਹਾ ਕਿ ਕੁਝ ਪ੍ਰਮੁੱਖ ਮੀਡੀਆ ਸੰਗਠਨ ਹਨ ਜੋ ਉਨ੍ਹਾਂ ਖਿਲਾਫ ਗ਼ਲਤ ਖਬਰਾਂ ਛਾਪ ਰਹੇ ਹਨ |

ਟਰੰਪ ਦੇ ਸਮਰਥਕ ਡੇਵਿਡ ਮੇਲਨੀ ਨੇ ਕਿਹਾ ਕਿ ਇਹ ਇੱਕ ਇਤਿਹਾਸਕ ਘਟਨਾ ਹੈ , ਸਭਾ ਵਿੱਚ ਮਜੂਦ ਲੋਕਾਂ ਨੇ ਇਹ ਦਾਅਵਾ ਕੀਤਾ ਕਿ 2020 ਵਿੱਚ ਟਰੰਪ ਹੋਰ ਵੀ ਜ਼ਿਆਦਾ ਵੋਟ ਪ੍ਰਤੀਸ਼ਤ ਪ੍ਰਾਪਤ ਕਰਨਗੇ ਅਤੇ ਮੁੜ ਅਮਰੀਕਾ ਦੇ ਰਾਸ਼ਟਰਪਤੀ ਵਜੋਂ ਚੁਣੇ ਜਾਣਗੇ |