ਤੇਲੰਗਾਨਾ ਦੇ ਸ਼੍ਰੀਸੈਲਮ ਹਾਈਡਲ ਪਾਵਰ ਪਲਾਂਟ 'ਚ ਲੱਗੀ, ਅੱਗ ਤੋਂ ਬਾਅਦ ਬਚਾਅ ਅਭਿਆਨ ਚਲਾਇਆ ਜਾ ਰਿਹਾ ਹੈ। ਹੁਣ ਤੱਕ 6 ਕਰਮਚਾਰੀਆਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਇਸ ਹਾਦਸੇ ਵਿੱਚ 9 ਲੋਕ ਫਸ ਗਏ ਸਨ। ਬਾਕੀ 3 ਦੀ ਭਾਲ ਜਾਰੀ ਹੈ. ਫਿਲਹਾਲ ਹਾਦਸੇ ਦਾ ਕਾਰਨ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ।

ਤੇਲੰਗਾਨਾ ਦੇ ਮੰਤਰੀ ਜੀ.ਜਗਦੀਸ਼ਵਰ ਰੈਡੀ ਨੇ ਦੱਸਿਆ ਕਿ ਇਹ ਹਾਦਸਾ ਵੀਰਵਾਰ ਰਾਤ ਕਰੀਬ 10.30 ਵਜੇ ਵਾਪਰਿਆ। ਬਿਜਲੀ ਸਪਲਾਈ ਵੀ ਬੰਦ ਕਰ ਦਿੱਤੀ ਗਈ ਸੀ। ਅਸੀਂ ਸਿੰਗਰੇਨੀ ਕੋਲੇ ਦੀਆਂ ਖਾਣਾਂ ਤੋਂ ਸਹਾਇਤਾ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ, ਕਿਉਂਕਿ ਉਹ ਇਸ ਸਥਿਤੀ 'ਤੇ ਕਾਬੂ ਪਾਉਣ ਵਿਚ ਮਦਦਗਾਰ ਸਾਬਤ ਹੋ ਸਕਦੇ ਹਨ. ਅੰਦਰ ਫਸੇ ਲੋਕਾਂ ਨੂੰ ਹਟਾਉਣਾ ਸਾਡੀ ਤਰਜੀਹ ਹੈ.